اسلام آباد ۔ 31 مارچ (اے پی پی) پاک بحریہءِ جنگی گراب ٹیپو سلطان ،ہمت ءُُ پاکستان میری ٹائم سیکیورٹی گراب بسول،مشن کمانڈرکموڈورمحمد فیصل عباسی ہمہ کہ کمانڈر 25thڈٹررائر سکواڈرن ھم انت،ءِ سروکی ءَ سعودی عرب ءِ بندن ءَ سر بوتگ انت۔اے گراب رائل سعودی آرمڈ فورسز ءِ چیر دستی برجم داشتگیں، کثیرالملکی یکجاھیں مشق گلف شیلڈ ۔۱ ءِ تہ شریداری کنت۔ جبیل بندن ءَ سر بوھگ ءَ رائل سعودی نیول فورسز ءِ بندن ءَ سر بوھگ ءَ رائل سعودی نیول فورسانی افسراں ءُُ ورناہاں پاک بحریہ ءِ گرابان وش اتک کتگ۔پاک بحریہ ءِ لس سیادیانی تک ءِ نیمگا چہ ادا چہ جاڑی بیان ءِ ردا جنگی گرابانی ابید، پاکستان نیوی ءِ سپیشل سروسز گروپ ءُُ پاک میرینز ھم بری دستےءِ وڈ ءَ اے مشق ءَ ھوار بوھگ انت۔گیشں حال ءِ ردا، پاکستان نیوی ءِ لانگ رینج میری ٹائم پیٹرول ائیرکرافٹ “P3C”ھم اے ہیلکاری ءِ بہرانت۔مشق گلف شیلڈ۔ ۱ ءِ نیوی ءَ ہمگرنچ بہر ءِ برجم داری ،رائل سعودی نیول فورسز کنگ انت ہمہ کہ سعودی عرب ءِ بحری آپ ءَ ءُُ خلیج ءَ بنت۔اے ہیلکاری ءِ ہاربر فیز ءِ تہ لہتیں سرگرمی آنی برجم داری بیت،ایشانی تہ جوائنٹ اپریشنل پلاننگ، ٹریننگ، فنی ءُُ پیشہ وارانہ کار انی سرا سیمینار ءُُ چاگردی ءُُ ربیدگی مراگش ھوار انت۔اے مشکانی ساعت ءَ لہتیں ملکانی نماھندگ ھم پاک بحریہ ءِ گرابانی تروتاب کن انت۔ پاکستان نیوی ءِ ابید بحرین، مصر، کویت، اردن، سعودی عرب، سوڈان، متحدہ عرب امارات ءُُ امریکہ ءِ جنگی گراب ھم اے مشقاں شریداری کن انت۔ پاکستان ءِ اے جہد پاکستان ءُُ سعودی عرب میان ءَ سوگو دو دیمی دیمپانی سیادی ءِ مظہر انت۔امیت کنگ بوھگ انت کہ اے مشق ءَ ھوار دراھیں ملکانی میان ءَ دیمپانی سیادی ءِ سوگو کنگ ءِ سبب بیت ءُُ دمگی میری ٹائم سیکیورٹی ءَ یقینی جوڈ کنگ ءَ اے راجانی جزم ءِ مظہر انت۔
