اسلام آباد ۔31 مارچ (اے پی پی)سپیکر قومی اسمبلی سردار ایاز صادق ءُُ ڈپٹی سپیکر قومی اسمبلی مرتضیٰ جاویدعباسیءَ ایسٹر ءِ وشیں موہ ءَ مسیحی براتاں گوں سیادی داروکیں پارلیمنٹ باسکاں ءُُ مسیحی براتاں را مراد بات داتگ۔ھپتگ ءَ وتی کلوھ ءَ سپیکر ءَ گوشت کہ مسیحی براھندگی حضرت عیسیٰ علیہ السلام ءِ دوراری زیندگ بوھگ ءِ وشی ءَ چِل روچانی سرجم بوھگ ءِ سرا ایسٹر ءِ تہوار دارگ انت۔آہاں گوشت کہ ایسٹر سرجمیں مسیحی براھندگی ءِ ھاترا وشی ءُُ وشھالی ءِ کلوہ پدر بیت۔آہاں گوشت کہ حضرت عیسٰی علیہ السلامءَ را ھدا وند کریم ءَ مھر ءُُ محبت،رواداری ءُُ براھندگی ءِ کلوہ ءِ ھاترا دیم داتگ۔آہاں گوشت کہ حضرت عیسٰی علیہ السلام ءِ محبت ءِ کلوہ مروچی ھم دراھیں راجانی ءُُ براھندگی آنی ھاترا ہم آھگی ءَ را ودکی دیگ ءُُ دگنیا ءِ تہ ایمنی ءَ را برجاہ دارگ ءِ ھاترا مشعل راہ انت ،آہاں گوشت کہ ملک ءَ را دیم چیلنجانی مقابلہ کنگ ءِ ھاترا مار ءَ تپاکی کنگی انت۔سپیکر ءَ گوشت کہ پاکستان ءَ نندوک دراھیں اقلیت ءَ را آئین ءِ ردا داتگیں حقانی ءُُ قائدآعظم محمد علی جناح ءِ راھبندانی ردا رکھگ ءِ جزم دار ات۔ سردار ایاز صادق ءَ پاکستانءَ نندوکیں مسیحی براھندگی ءِ حب الوطنی ءِ جوزگ ءُُ ملک ءِ دیمروئی ءُُ وشھالی ءِ ھاترا ایشانی ہزمتان ساڑاتگ۔ سپیکر ءَ گوشت کہ مسیح برات آنی راجی دیمروئی ءِ تہ باز شریداری حاسکر تعلیم ءُُ جان سلامتی ءِ شوبگاں ہزمت مئے راجی راجدپتر ءِ یک روژن ءِ تاک انت۔ڈپٹی سپیکر قومی اسمبلی مرتضیٰ جاویدعباسی ءَ ھم ایسٹر ءِ درگت ءَ مسیحی پارلیمنٹ باسکاں ءَ را مراد بات دیان ءَ ملک ءِ جوڈ ءُُ دیمروئی ءِ تہ مسیح براتانی کرد ءِ ستا کتگ۔
