کراچی۔ 31مارچ (اے پی پی) صدر مملکت ممنون حسین پارینے کہ اقتصادی راہداری نا بھرمک گچین ٹیم ورک انا کمک اٹ ہی دوئی کننگ مریرہ۔ آخبت خڑک اٹی اقتصادی راہداری نا پورو کاریمی مننگ آن بیمہ انڈسٹری نا اہمیت اٹی پین ودکی و نوعیت اٹ بھلو حد اسسکان بدلی بریک۔ بیمہ نا صنعت اخس کہ متحرک، کاریمی مریک و معاملہ غاتا تکنیکی ویل ویچڑ آتے سادہ و آسان جوڑ کیک، ہنداخہ ہی اونا خذمت آتا دنگ گیشتر مریک، بیمہ نا صنعت محض اسہ کاروبار اس اف بلکن قومی خذمت نا اسہ فائدہ مند ءُ ادارہ سے نا حیثیت تخک۔ داہیت آتے او ہفتہ نادے بنجائی محتسب انشورنس نا کنڈآن پاک چین اقتصادی راہداری و بیمہ انڈسٹری نا رداٹ اڈ ہلوک آ سیمینار آن تران کرسا پارے۔ داوخت آ گورنر سندھ محمد زبیر ہم ساڑی ئس وخت اس کہ بنجائی خراج رئیس الدین پراچہ داوخت آ تینا ادارہ نا کارکڑد آن معلومدار کرے۔
