اسلام آباد۔ 22دسمبر (اے پی پی) محکمہ موسمیات نا رداٹ بروک آ 24گھنٹہ نا وخت ملک انا گیشتر علاقہ غاتیٹی موسم یخ و خشک سلک وخت اس کہ پنجاب نا میدانی علاقہ و بڑزکو سندھ اٹی سہب انا وخت آتیٹی ہلکا گوتلو نا گمان ئِ۔ رپورٹ نا رداٹ گدرینگوک آ 24گھنٹہ نا وخت ملک انا گیشتر علاقہ غاتیٹی موسم یخ و خشک سلیس ولے پنجاب نا میدانی و بڑزکو سندھ انا گڑاس علاقہ غاک گوتلو نا پلویڑ اٹی ئسر۔ پنچ شنبے آ ریکارڈ کروک آ درجہ حرارت نا رداٹ سکردوٹی درجہ حرارت منفی 8 ڈگری سینٹی گریڈ، گوپس، ہنزہ منفی 6، گلگت منفی 5، کالام ، استور منفی 4، دیر، راولاکوٹ ، بگروٹ و قلات اٹی منفی 2ڈگری سینٹی گریڈ ریکارڈ کننگا۔
