اسلام آباد۔ 31مارچ (اے پی پی) الیکشن کمیشن پارینے کہ الس وونٹ آتا اندراج و منتقلی و درستگی کوائف کن تعلقدار ڈسپلے سینٹر آتیا 24اپریل اسکان رابطہ کننگ کیرہ۔ ہفتہ نادے داڑے جاری بیان اٹی پاننگانے کہ 10 کروڑ 42لکھ رائے تروک آتیا تالان غیر حتمی/بنائی گچین کاری فہرست آتے تیار کننگانے، دا چرجوئی ٹی الیکشن کمیشن مچ آ ملک اٹی ڈسپلے سینٹر جوڑ کرینے۔ غیر حتمی/بنائی گچین کاری فہرست آتے ڈسپلے سینٹر آتیا آویزاں کننگانے۔ وونٹ آتا اندراج نا سرجم آتے تینا شناختی کارڈ نمبر 8300 آ ایس ایم ایس کرسا دوئی کننگ مریک۔
