پاکستان ہائی کمشنر سید ابن عباس نا برطانوی زرکارآتے پاکستان اٹی زرکاری نا وارخواہی تیان فائدہ ہرفنگ نا سلہ
اسلام آباد۔ 22دسمبر (اے پی پی) چین پاکستان اقتصادی راہداری ڈٹ(سی پیک) نا رداٹ بنداوی ڈھانچہ و توانائی نا بشخ آتا شونداری ڈٹ آتیا 54ارب ڈالر نا زرکاری کننگ انگ ئِ۔ ہراڑآن ملک انا اقتصادی کچ شونداری ٹی 2درسد ودکی گمانی ئِ۔ داوخت پاکستان نا معاشی شونداری نا کچ 4.8درسد ئِ۔ برطانیہ ٹی پاکستان نا ہائی کمشنر سید ابن عباس برطانوی زرکارآتے پاکستان اٹی زرکاری نا پرکشش وارخواہی تیان فائدہ ہرفنگ نا سلہ خلسا تینا اسہ بیان اسے ٹی پارینے کہ سی پیک نا میگاپروجیکٹ نا رداٹ کروک آ جم زرکاری تیان 35ارب ڈالر نا زرکاری توانائی نا ڈٹ آتیا کننگ انگ ئِ ہراڑآن ملک اٹی کاروباری و صنعتی سرجزآتے مون آدننگ اٹ کمک رسینگک و ملک انا معاشی شونداری ٹی نمان ودکی مریک۔ اوپارے کہ پاکستان اٹی درملکی زرکاری نا بابت پرکشش آسراتی فراوان کننگ انگ ئِ ، و مچ آ دنیا نا زرکار آک اوٹی بھاز است خواہی تخرہ۔ اوبرطانوی زرکارآتے سلہ تس کہ او داموقع آن فائدہ ہرفیر۔
