جے سی سی نا دیوان 29دسمبر آ چین اٹی مریک
اسلام آباد۔ 22دسمبر (اے پی پی) بنجائی وزیر ڈٹ بندی و شونداری و اصلاحات احسن اقبال نا کماشی ٹی پلاننگ کمیشن اٹی پنچ شنبے آ چین پاکستان جوائنٹ کواپریشن کمیٹی نا اولیکو صلابتی دیوان اڈ ہلک۔ جے سی سی نا دیوان 29دسمبر آ چین اٹی مریک۔ دیوان اٹی وزیراعلیٰ خیبر پختونخواپرویز خٹک ، وزیراعلیٰ گلگت بلتستان حفیظ الرحمان ساڑی ئسر۔ داوخت آ گورنر خیبر پختونخوا اقبال ظفر جھگڑا ہم ساڑی ئس۔ داوخت آ بنجائی وزیر ڈٹ بندی احسن اقبال پارینے کہ سی پیک اسہ حکومت یا ڈصوبہ نا ڈٹ اس اف بلکن مچ آ ملک انا ڈٹ ئِ ، ننے غٹ ئِ اواری اٹ دا ڈٹ ئِ سرسہب کروئی ئِ۔ اوپارے کہ ننے اواری اٹ دا ڈٹ انا برخلاف غٹ سازش آتا مقابلہ ئِ کروئی مریک۔ اوپارے کہ سی پیک ڈٹ تقدیر ئِ بدلیفنگ نا ڈٹ ئِ ہراڑآن مچ آ ملک ئِ فائدہ مریک۔
