اسلام آباد۔ 22دسمبر (اے پی پی) مسکوہی سفیر نجم الدین شیخ پارینے کہ وزیراعظم محمد نواز شریف نا دورہ بوسنیا آن ہڑتوم آ کنڈآتا تعلقداری تتون اوار واپار ئِ مون آ دننگک۔ ریڈیو پاکستان تون ہیت وگپ کرسا اوپارے کہ بوسنیا ہرزیگوینا تون پاکستان نا دیرینہ رشتہ ئِ و داہمووخت زیات سوگو مس ہراتم یوگوسلاویہ ٹی خانہ جنگی برجاءئس و سربیا بوسنیا نا مسلمان تیا بیدادی کریکہ، ہمووخت پاکستان نا …
وزیراعظم نواز شریف نا دورہ بوسنیا آن ہڑتوم آ کنڈآتا تعلقداری تتون اوار واپار ئِ مون آ دننگک، نجم الدین شیخ
گیشتریں ھال
اسلام آباد۔ 22دسمبر (اے پی پی) مسکوہی سفیر نجم الدین شیخ پارینے کہ وزیراعظم محمد نواز شریف نا دورہ بوسنیا آن ہڑتوم آ کنڈآتا تعلقداری تتون اوار واپار ئِ مون آ دننگک۔ ریڈیو پاکستان تون ہیت وگپ کرسا اوپارے کہ بوسنیا ہرزیگوینا تون پاکستان نا دیرینہ رشتہ ئِ و داہمووخت زیات سوگو مس ہراتم یوگوسلاویہ ٹی خانہ جنگی برجاءئس و سربیا بوسنیا نا مسلمان تیا بیدادی کریکہ، ہمووخت پاکستان نا حکومت و الس اوفتے تون پبی تفے ۔ ہندا سوب ئِ کہ بوسنیا نا حکومت و الس پاکستان ئِ عزت نا نظراٹ ہریرہ۔ مسکوہی سفیر پارے کہ وزیراعظم محمد نواز شریف نا دورہ بوسنیا آن ہڑتوم آ ملک آتا ہڑتوم آ کنڈآتا تعلقداری تتون اوار واپار ئِ مون آ دننگک۔ اوپارے کہ بوسنیا واپار نا بابت یورپی ملک آتسکان رسینگ تون اوار اوار جوڑجاڑی و پاٹ انا صنعت اٹی بھاز مہارت تخک ہراڑآن پاکستان فائدہ دوئی کننگ کیک و پاکستان تینا ٹیکسٹائل نا مصنوعات آتے بوسنیا نا مارکیٹ اٹی درستی راستی کرفنگ کیک ہراڑآن ہڑتوم آ ملک آتیٹی واپاری سرجزآتے پین مون آ دننگک۔
