صدر مملکت ممنون حسینءُُ سری لنکاءِ صدر میتھری پالا سری سینا ءِ گند ءُُ نند ،دمگ ءِ ایمنی ءُُ وت مہ وتی کمک ءِ ودکی ءُُ سارک گل ءَ را گیش مھکم جوڈ کنگ ءِ ھاترا پجی ءَ کار کنگ ءَ تپاک کتگ

دوئیں راھشون آنی میان ءَ اے تپاکی ایوان صدر ءَ بیوکیں گند ءُُ نند ءَ کنگ بوتگ
اسلام آباد ۔24 مارچ (اے پی پی)ملک ءِ صدر ممنون حسین ءُُ سری لنکاءِ صدر میتھری پالا سری سینا ءَ دمگ ءِ ایمنی ،وت مہ وتی کمک ءِ ودکی ءُُ سارک گل ءَ را گیش مھکم کنگ ءِ ھاترا پجی ءَ کار کنگ ءِ سرا تپاک کتگ۔شمبے ءَ دوئیں ملکانی راھدبرانی میان ءَ اے تپاکی ایوان صدر ءَ بیوکیں گند ءُُ نند ءَ بوتگ۔ سری لنکاءِ صدر ءِ ایوان صدر آھگ ءِ ساعت ءَ ملک ءِ صدر ممنون حسین ءَ آہاں را وش اتک کت ءُُ ربیدگی پچ ءُُ پوشاک کتگیں چُکاں پھل پیش کتگ ات،اے موہ ءَ دوئیں صدور ءَ ون آں ون گند ءُُ نند کتگ،ایشی ءِ پدا ڈلے ءِ تبک ءَ ھم گپ ءُُ توار کنگ بوتگ۔ ایوان صدرءَ چہ جاڑی بیان ءِ ردا صدر مملکت ممنون حسین ءَ شرپ دارءِ مہمان آنی وش اتک کنان ءَ یوم پاکستان ءِ مراگش ءَ سری لنکا ءِ راھشون ءِ وشیں گپے انت ایشی ءَ چہ دوئیں ملکانی میان ءَ سیادی ءِ جہلانکی پدر بوھگ انت۔ایشی ءِ سرا سری لنکا ءِ صدر ءَ گوشت کہ پاکستان ءِ دعوت ءِ سرا اے راجی روچ ءِ مراگشاں بہر زورگ مئے ھاترا وشی ءِ گپ انتءُُ سری لنکا ءِ مھلوک ءِ ھاترا شرپ ءِ گپ انت،مہ پاکستان ءَ را وتی راستیں برات ءُُ دوست سرپد کنگیں،دوئیں راھشون ءَ اے گپ ءَ ھم تپاکی کت کہ آں دمگ ءِ ایمنی ءُُ گھبودی ،دیمروئیءُُ راج ءِ وشھالی ءِ ھاترا یک دومیگ ءَ گوں سرجمیں کمک برجاہ دارایت،فریقاں دمگ ءِ دیمروئی ءِ ھاترا کمک ءَ زور دیان ءَ اے مکسد ءِ ھاترا سارک گل ءَ را گیش مھکم کنگ ءِ سرا تپاک کتگ۔ملک ءِ صدرءَ اے درگت ءَ دوئیں ملکانی میان ءَ دودیمی باپار ءِ تہ گیشی ءَ پہ ھواری کار کنگ ءِ صلاح ھم داتگ۔اے صلاح ءَ شرپ داریں مہمان ءَ تپاک کتگ۔ملک ءِ صدرءَ دمگے ،حاس کر دوئیں ملکانی میان ءَ بحریءُُ گواتی آسراتی ءِ گیشی ءِ سرا زور داتگ تنکہ صنعت ءُُ بیئپار ءِ ھوار دگہ تک ءَ کمک ءَ گیشی آرگ بیت۔ سری لنکا ءِ صدر ءَ گوشت کہ پاکستانءُُ سری لنکاءِ میان ءَ دیمپانی ءِ ھوار دگہ تک ءَ گیش بیوکیں کمک ءَ تسلہ انت ءُُ امیت انت کہ آوکیں روچاں ایشی ءَ گیش ودکی کئیت۔ سری لنکاءِ صدر ءَ سری لنکا ءِ نودربراں ءُُ افسرانی ھاترا تعلیمی ءُُ ہیلکاری اسکالرشپسءِ سرا صدر مملکت ءِ منت گپتگ انت۔آہاں ناشرکاریءِ ہلاپ پاکستان ءِ سوبمندی آنی سرا وشی ءِ درشان کنان ءَ گوشت کہ سری لنکا اے کوشستاں پاکستان ءِ پلہ مرزی کنگ انت۔گند ءُُ نند ءِ تہ سری لنکا ءِ ڈنی کارانی وزیر واسنتھا سینا نائیکے، سری لنکن وزیر آبات کاری ، پارلیمنٹ ءِ باسکاں سید علی ظاہر مولانا،عبداللہ معروفءُُ ایس ایم ماری کار ساڑی اتنت وھدیکہ پاکستان ءِ نیمگا چہ بنجاہی وزیر سیفران عبدالقادر بلوچ،ڈنی کارانی سیکرٹری ءُُ دگہ مزن تکے واکدار ھم ساڑی اتنت۔