اسلام آباد۔ 22دسمبر (اے پی پی) فنانس ڈویژن نا بابت معاملہ غاتا جاچ ئِ ہلنگ کن اسہ اہم دیوان اس بنجائی وزیر خزانہ سینیٹر اسحاق ڈار نا کماشی ٹی اڈ ہلک۔ بنجائی سیکرٹری خزانہ ڈاکٹر وقار مسعود بھلا معاشی ٹک آتا بارواٹی دیوان ئِ پریذنٹیشن تس ہراٹی پاننگاکہ بھلا معاشی ٹک آک پدریسہ مثبت نمو ئِ پاش کننگ ئُ۔ داوخت آ سٹیٹ بینک آف پاکستان نا گورنر بنجائی وزیر ئِ درملکی ترسیلات زر و زرمبادلہ نا حالیت آتابارواٹی معلومدار کرے ۔ او سٹیٹ بینک آف پاکستان نا جم اٹنگا کوڑی و میرات جاٹ آتون اوار کیہی ہدف آتا بارواٹی بریفنگ تس۔ وزیر خزانہ اسحاق ڈار فنانس ڈویژن و سٹیٹ بینک آف پاکستان نا کوشست آتا ستائِ کرے و داہیت آ زورشاغا کہ ملک اٹی کاروباراٹی آسانی کن چاگڑد ئِ پین گچین جوڑ کننگ کن گام گیج کننگے۔ دیوان اٹی وزارت خزانہ و سٹیٹ بینک آف پاکستان نا سینئر کمامدارآک ہم ساڑی ئسر۔
