اسلام آباد۔ 21دسمبر (اے پی پی) وزارت ڈٹ بندی و شونداری اینخو مالی سال انا سرکاری بشخ انا شونداری پروگرام اٹی جان جوڑی ناآسراتی تے گچین جوڑ کننگ نا ڈٹ آتے کن داوخت اسکان 7ارب58کروڑ64لکھ روپئی نا فنڈ جاری کرینے۔ حکومت اینخومالی سال نا وخت سرکاری بشخ انا شونداری پروگرام اٹی جان جوڑی نا آسراتی تے کن 24ارب95کروڑ روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت پرائم منسٹر نیشنل ہیلتھ انشورنس پروگرام کن 80کروڑ، صوبہ غاتیٹی پاپولیشن ویلفیئر پروگرام کن 1ارب54کروڑ، نیشنل پروگرام فیملی پلاننگ کن 2ارب19کروڑ، ای پی آئی پروگرام کن 2ارب47کروڑ روپئی تون اوار کیہی شونداری ڈٹ آتے کن فنڈ جاری کرینے۔
