بلوچستان ہائیکورٹ نواب اکبر بگٹی خون کیس انا سماعت، کیس انا سماعت ئِ 20مارچ2017ءاسکان ملتوی کننگا

کوئٹہ۔ 21دسمبر (اے پی پی) بلوچستان ہائی کورٹ نواب اکبر بگٹی خون کیس انا سماعت ، عدالت پرویز مشرف نا وکیل نا وکالت نامہ ئِ پدی تس۔ سرجم احوال آتارداٹ چارشنبے نا دے بلوچستان ہائیکورٹ نواب اکبر بگٹی خون کیس انا سماعت، عدالت پرویز مشرف نا وکیل نا وکالت نامہ ئِ پدی تس۔ کیس انا سماعت ئِ بلوچستان ہائیکورٹ نا اِرا باسکی بینچ جسٹس جمال مندوخیل و جسٹس ظہیرالدین کاکڑ کریر۔ سماعت نا وخت مسکوہی صدر مشرف نا وکیل اخترشاہ ، نوابزادہ جمیل اکبر بگٹی نا وکیل سہیل راجپوت و آفتاب شیرپاﺅ نا وکیل ذیشان چیمہ عدالت اٹی پیش مسر سماعت نا وخت جج آک پرویز مشرف نا وکیل اخترشاہ تون استفسا رکریر کہ او پرویز مشرف ئِ عدالت اٹی انت اکن پیش کپننگ ئِ ہراڑآ اخترشاہ پارے کہ نن عدالت آتا شرف ئِ کینہ زوت مشرف ئِ عدالت اٹی پیش کینہ اونا طبیعت جوان مننگ اٹی ئِ سیکورٹی نا گڑاس ویل آتا مون تروکی ئِ ہراڑآ جج آک پاریر کہ اگہ مشرف ئِ پدی اتنگ کپسہ تو نی صرف نمائندہ نا حیثیت تخسہ وکالت کننگ کپیسہ، اوکان گڈ کیس انا سماعت ئِ 20مارچ2017ءاسکان ملتوی کننگا۔