لورالائی۔ 20 دسمبر (اے پی پی) پاکستان مسلم لیگ ن نا سینئر بنجائی نائب صدر سینیٹر سردار یعقوب خان ناصر پارینے کہ الس نا شونداری و شونہالی کن ساڑی بنجائی و صوبائی حکومت کیہی پروجیکٹ آتیا ارب آ روپئی خڑچ کننگ ئُ، وزیر اعظم نواز شریف زبانی جمع خڑچ آن بیدس عملی گام گیج آتیا باور کیک۔ داخیال آتا درشانی ئِ او لورالائی پٹھانکوٹ اٹی نجی اسکول اسے نا دود و نجی بینک اسے نا افتتاح نا وخت آ تران کرسا کرے۔ اوپارے کہ بجلی لوڈشیڈنگ نا پورو چٹفنگ لس گچین کاری تیان مست کننگک۔ اوپارے کہ کاشغر آن گوادر اقتصادی راہداری نا دیکی روٹ انا جوڑ جاڑ نا عزم آ ہچ ئُ سمجھوتہ اس کننگپک۔ اوپارے کہ جہالت نا پوروی اٹ چٹفنگ کن قوم تعلیم نا دوئی آ توجوہ ایتے۔ نجی ادارہ غاک تعلیم نا بشخ اٹی فعال کڑدادا کرینو، اوپارے کہ ناصر آباد عبدالستار اٹی بجلی ٹاسفارم ، پکا نالی وہزارہ محلہ عبدالوہاب نا وارڈ اٹی بجلی صاف دیر، سیوریج لین کون آ بنداوی ویل آتے اولیتی بنداو آ ایسر کننگک۔
