اسلام آباد۔ 20 دسمبر (اے پی پی) صدر مملکت ممنون حسین ئَ گوشت کہ قائداعظم محمد علی جناح ئِ زندمان مارا پگر ئُُ یکوئی ئِ کلوہ ئَ دنت ئُُ مارا گوں شرپ ئُُ اِزت ئِ گوما دیمروئی کنگ ئِ سبک ئَ دنت۔ قائداعظم ئِ گپ ئُُ گال پہ ما ھمینکیاس المی اَنت ھمینکیاس کہ پاکستان ئِ جوڑ بوھگ ئِ وھد ئَ پکار بوتگ اَنت۔ راجی دیمروئی ئِ ھاترا پاک چین اقتصادی راہداری ئَ چہ گیشاں چہ گیش نپ ئُُ سیت زورگ بہ بیت۔ اے گپ آئی ئَ سئے شمبے ئِ روچ ئَ ایوان ئِ صدر ئَ ھائر ایجوکیشن کمیشن ئِ چیر دستی ئَ برجم داشتگیں دیوان ئَ گوں تران کنان ئَ کُت اَنت۔ مراگش ئَ وزیر ئِ مملکت برائے وانگ ئُُ زانگ ئُُ زانت ئُُ زانتکاری انجینئر بلیغ الرحمان، چیئرمین ھائرایجوکیشن کمیشن ڈاکٹر مختار احمد، بُنجاھی وزیر، بازیں یونیورسٹی آنی وائس چانسلر، نودربر ئُُ ایندگہ بازیں کساس ئِ مہمان آں بھر زُرت۔ صدر مملکت ئَ گوشت کہ یک دراجیں سفرے ئَ پد پاکستان ئِ در ئیگ آنی دپ ئَ رُژنائی شرﺅک دیگ ئَ اِنت، ایشی ئَ چہ نپ ئُُ سیت چست کنگ ئِ ھاترا المی اِنت کہ توامیں تک ئِ مردم درستیں پندل آں چیر بہ مُڈ ئین اَنت ئُُ پاک چین اقتصادی راہداری ئَ ھوار توامیں موہ آں چہ نپ ئُُ سیت چیست کنگ بہ بیت۔
