اسلام آباد۔ 20 دسمبر (اے پی پی) پاکستان تون اوار مچ آ دنیا ٹی انسانی یکجہتی نا جہانی دے اڈتننگا ۔ نجی ٹی وی چینل نا رداٹ پاکستان تون اوار مچ آ دنیا ٹی 20 دسمبر آ انسانی یکجہتی نا جہانی دے ئِ اڈتننگ نا مسخت قدرتی آفت آتیان زہمی بندغ آتا کمک، دنیا آن نیزگاری و دوتنکی نا چٹفنگ کن انسان تا تین پہ تینی یکجہتی نا اہمیت ئِ تالان کننگ نا ئِ۔ دادے انا بابت انسانی حق انا علمبردار راجی تنظیم تا کنڈآن سیمینار ، واکس و کیہی دود آتا بست و بند کننگاہراڑے ترانکار آک نیزگاری و دوتنکی ئِ ماس آ کشنگ کن انسانی سیوت و یکجہتی نا اہمیت ئِ سرجم اٹ مون آ تخار ۔ یات سلے کہ اقوام متحدہ نا کنڈآن جنرل اسمبلی نا کنڈآن اولیکو وار 20 دسمبر 2005ءآ مچ آ دنیا ٹی انسانی یکجہتی نا بابت دا دے ئِ اڈتننگ نا باقاعدہ منظوری تننگاسس۔
