اسلام آباد۔ 20 دسمبر (اے پی پی) وزیر داخلہ چوہدری نثارعلی خان پارینے کہ ایبٹ آباد نا واقعہ آن بھلا پاکستان نا آجوئی و وت واجہی آ ہچ ئُ آنچ اس بتو۔ وزیراعظم آن اونا رپورٹ ئِ لس کننگ نا خواست کیوہ، ہرانا لمہ نا پن پاناما لیکس اٹی ئِ و سرے محل، دبئی نا ماڑی، فرانس نا دولت، ہیرہ غاتا ہار انا کرپشن اٹی اوار و سوئس کیس تیٹی سزایافتہ ئُ اوہم کرپشن نا برخلاف مہم چلیفنگ نا پڑو ئِ کننگ ئُ۔ زرداری تینا سیاسی زند اٹی کرپشن نا برخلاف وخت اس ہم لوز اس ہم پاتنے۔ اسہ ایماندار آئی جی سے جبری رخصت آ گدریفنگا۔ مسکوہی دور حکومت اٹی ارب آ روپئی تا منی لانڈرنگ کننگا ہراٹی حکومت نا خلقت اوار ئسر اوفتا پاننگ آ انکوائری نا ریکارڈ ہم زیان کننگا۔ سے شنبے آ پولیس لین ہیڈکوارٹر اٹی ریپڈ رسپانس فورس انا پاسنگ آﺅٹ پریڈ آن تران و اوکان گڈ صحافی تتون ہیت وگپ کرسا اوپارے کہ پاس آﺅٹ مروک آتے کن اینو خوشی و مسرت نا موقع اسے و داڑآن ہم زیات اوفتا خاہوت آتے کن داہیت خوشی نا سوب ئِ کہ اوفتا ورناک پولیس اٹی اوار مننگ ئُ و شاری تا جان و مال انا رکھ انا فرض ئِ سرانجام ایترہ۔ اوپارے کہ پاس آﺅٹ مروک آ ورنا و اوفتا خاہوت آتے مبارکبادی پیش کیوہ ۔ وزیر داخلہ پارے کہ خوشی اتون اوار اوار دا تینا عزم ئِ تازہ کننگ نا ہم موقع ئِ۔ اوپارے کہ پاس آﺅٹ مروک آ ورناک دا وردی نا مان ئِ تخر ہرادے او بیننگ اٹی ئُ اونا شرف و عزت ئِ ملحوظ خاطر تخر۔ اوپارے کہ مملکت دا ورناتا کوپہ غاتیا اسہ زمواری اس بٹینے و دا زمواری ئِ پاس آﺅٹ کروک آ ورناک وخت اس ہم گیرام کپس و نہ ہی داڑآن روگردانی کیر۔ اوپارے کہ کنے خوشی ئِ کہ مسہ نیم سال انا وخت پولیس اٹی انت کہ بھرتی اس مس او شفاف وڑاٹ مس و داٹی کس اسے نا حتیٰ کہ کنا سفارش و اثرورسوخ نا ہم ہچ ئُ عمل دخل اس اف۔ اوپارے کہ داغٹ ورناک ہرا اینو پاس آﺅٹ مننگ ئُ، دامیرٹ آ بسنو و تینا لائخی و اہلیت نا بنداو آ اوفتے گچین کننگانے و دا حکومت اسے نا ملازم افس بلکن مملکت پاکستان نا ملازم ئُ، ہنداخاطران اوفتے دا مملکت و الس تون تینا وفاداری ئِ نبھائفوئی ئِ۔ اوپاس آﺅٹ مروک آ ورناتیا زورشاغا کہ او تینا بھلا افسر آتا ہر کانودی حکم ئِ منر و صرف کانود نا پاسداری ئِ تینا شعار جوڑ کیر۔ اوپارے کہ پولیس اٹی بھاز گچینی بسنے ولے داسکان گچینی نا پین گنجائش ہم ساڑی ارے۔ اوپارے کہ کنے ہراتم ڈوہ اٹی کمتی نا حساب وکتاب پیش کننگک تو اوٹی پاننگک کہ مست انا نسبت ڈوہ اٹی کمتی بسنے و امن و ایمنی نا حالیت آک بھاز گچین مسنو ولے دا بس اف ۔ کنے کرائم ریٹ زیرو درکار ئِ۔ اوپارے کہ مہالو ملک اٹی زورداردھماکہ مسکہ و امن وایمنی نا حالیت آک خراب ئسر ولے حکومت ٹس آن مس متوکہ و صرف ہیت کننگاکہ۔ اوپارے کہ ریپڈ رسپانس فورس انا رداٹ 409 ورنا دہشت گردی نا برخلاف جنگ اکن خصوصی وڑاٹ تربیت یافتہ مریرہ۔ 447 نا ایلو دستہ ہم زوت تیار مریک۔ اوفتے ہنکین نا گچین آسراتی فراوان کننگک۔ اگہ خزانہ کنا وس اٹی مرے تو اوفتے کن پین آسراتی تا پڑو ئِ کیو انتئے کہ پولیس نا ورناتے دے و نن نا سلوک آ وخت آتیٹی سینہ سپرد خنیوہ۔ داروڈ، گلی و کوچہ غاتیا مستعد و فعال مریرہ و اوفتا جھک سلنگ نا بدولت الس سکون اٹ خاچرہ۔ اوپارے کہ پولیس ہمت ، جوان مردی و تینا جان تا نذرانہ ئِ ترسا دہشت گرد آتا مقابلہ ئِ کریر۔ پولیس نا شہید و غازی تا قربانی تے خراج تحسین پیش کیوہ۔ اوقربانی ترسا پولیس وپاکستان نا عزت و وقار اٹی ودکی کرینو۔ وزیر داخلہ پارے کہ شہید آتا ہمو خاہوت آتے ہم خراج تحسین پیش کیوہ ہرافک دا ملک اٹی دہشت گردی نا چٹفنگ و امن وا یمنی نا اڈتننگ کن تینا چناتا قربانی ئِ تسر۔ اوپاس آﺅٹ مروک آ ورناتیا زورشاغا کہ او سینہ سپر سلر و الس ئِ انصاف نا فراوانی کن دقیقہ فروگذاشت کپس، الس تون جوانی اٹ پیش بریر و ملک دشمن ، کوزہ گر رڑو امن خراب کروک آتے کن ڈغار ئِ تنگ کیر۔ اوپارے کہ پولیس نا اسہ ورنا ، اسہ ایس ایچ او اسہ ایس پی اس خوائے تو حالیت آتیٹی گچینی اتنگ کیک۔ وزیر داخلہ پارے کہ او مسکوہی آرمی چیف جنرل راحیل شریف ئِ پارسا فوج ئِ ریپڈ رسپانس فورس انا وڑاٹ تھرڈ لین آ تعینات کرفیسس۔ داسہ ریپڈ رسپانس فورس انا تشکیل آن گڈ دا فورس اوفتا جاگہ غا تعینات کننگک۔ او امن و ایمنی نا اڈتننگ و دہشت گردی نا برخلاف فرض انا بجاآوری آ پاک فوج و رینجرنا ورناتے ہم خراج تحسین پیش کرے و پارے کہ او اسلام آباد ئِ پرامن و پرسکون جوڑ کننگ کن کلیدی کڑد ادا کریر۔ اوپولیس آ زورشاغا کہ او ہم رینجرنا ڈسپلن و معیار ئِ تین کن مثال جوڑ کیر۔ صحافی تتون ہیت وگپ کرسا اسہ سوج انا ورندی ٹی او پارے کہ مسکوہی ٹی درملکی ہوٹل آ جلہو و کچہری آ جلہو آتون اوار دہشت گردی نا بھلو بھلو واقعہ مس ولے حکومت ردعمل نا مظاہرہ ئِ کتو۔ اوپارے کہ کنا درخواست آ مسکوہی آرمی چیف انٹرنل سیکورٹی ڈیوٹی کن مچ آ ملک اٹی 34ہزار ورناتے تعینات کرے ہرافتا کچ داسہ 10 ہزار نا خڑک سلیسنے، اوفتے ہم ریلیز کننگک و اوفتا جاگہ غا ریپڈ رسپانس فورس نا دستہ زمواری تے سنبھالک۔ سانحہ کوئٹہ نا رپورٹ آن گڈ گڑاس سیاسی جماعت آتاکنڈآن دباﺅ نا بابت اسہ سوج اسے نا ورندی ٹی اوپارے کہ کنا زی آ ہچ ئُ دباﺅ اس اف۔ وزیر داخلہ نا کانوائے ٹی امریکی گاڈی تا پترینگ انگ نا بابت سوج آ اوپارے کہ کنانہ کانوائے اس مریک و نہ ہی قافلہ اس ، ای گدرینگاٹہ کہ ہمووخت آ ای کانوائے ئِ خناٹ ہرا رول انا خلاف ورزی ئِ کرسا گدرینگاکہ ۔ داکان بیدس وزیر داخلہ پریڈ نا معائنہ ئِ کرے۔ وزیر داخلہ ئِ ریپڈ رسپانس فورس انا چاق و چوبند دستہ غاک سلامی تسر۔ آئی جی پولیس طارق مسعود یاسین خطبہ بیابخیری اس پیش کرے۔
