اسلام آباد۔14فروری (اے پی پی) مزن شاہ آمید گس ءَ آئین ءِ آرٹیکل 62(ون) (ایف) ءِ ردءَ نابودی ءِ مدت ءِ تشریخ کنگءِ ھاترءَ 17دزبندی ءِ گوشدارگ ءِ وھدءَ فریقین آنی دلائل سرجم بوھگءَ پیسلہ محفوظ کتگ۔ پیسرگیں مزن وزیر محمد نوا ز شریف ءُ پی ٹی آئی ءِ رہنما جہانگیر ترین ءَ را آئین ءِ ھمے آرٹیکل ءِ ردءَ نابود کنگ بوتگ۔ چیف جسٹس آف پاکستان جسٹس ثاقب نثار ءِ سروکی ءَ جسٹس عظمن سعید شیخ، جسٹس اعجاز الاحسن ءُ جسٹس سجاد علی شاہءِ سرءَ استیں 5مردمی بنچءَ کیس گوشداشتگ۔ اٹارنی جنرل اشتراوصاف ءَ دلائل داتگ۔ اٹارنی جنرل ءِ دلائل سرجم بوھگءَ پد چارشمبے ءِ روچءَ مزن شاہ آمید گس ءَ کیس گوشداشتگءُ پیسلہ محفوظ کتگ۔
