دبئی۔13فروری (اے پی پی) ورلڈ گورنمنٹ سمٹ ءَ ھوار بازیں ملک آنی ھال رسانکی ادارگ آنی سروکاں 6نکاتی اعلامیہ ءِ سرءَ دستخط کتگ ءُ بنی آدمءِ ازمت ءُ پلاحءُ گہبود ، گشادیں دیمروئی ءُ جدید اقتصادی ءِ تہا کمک کنگءِ ھاترءَ ھال در ءِ پڑءَ نوکیں ٹیکنالوجی ءِ دیمروئی ءُ جدت آرگ ءِ نوکیں وسیلگ کارمرز کنگءِ ضلورت ءَ ر ا پدر کتگ۔ ورلڈ گورنمنٹ سمٹ ءِ تہا بازیں ملک آنی ھال رسانکی ادارگ آنی نمائندگ ھوار بوتگ اَنت، کہ دبئی ، متحدہ عرب امارات ءَ 11ءَ چہ13فروری ءَ بوتگ۔ راجی ھال رسانکی ادارگ ایسوسی ایٹڈ پریس آف پاکستان ( اے پی پی ) ءِ منیجنگ ڈائریکٹرمسعود احمد ملکءَ کانفرنس ءَ پاکستان ءِ نمائندگی کتگءُ ’’ اے پی پی‘‘ ءِ نیمگءَ چہ نیوز ایجنسی آنی اعلامیہ آنی سرءَ دستخط کتگ۔ ھال رسانکی ادارگ آنی نمائندگ آں کانفرنس ءِ بنکی سرھال آنی ارزشت ءُ میا ں اوستمانی افہام تفہیم ءِ گیشی ءِ ضلورت ءَ ھوار چاگرد، ایشی ءِ ادارگ، ھال درءُ آئیءِ باسکانی کسب ءِ زمہ واریاں پدر کنگءِ ھاترءَ ورلڈ گورنمنٹ سمٹ2018ءَ ھوار شریداریں نیوز ایجنسی آنی اعلامیہ ءِ سرءَ دستخط کنگءِ پیسلہ کتگ۔ جاری کتگیں 6نکاتی اعلامیہ ءِ تہا گشگ بوتگ کہ مہ ورلڈ گورنمنٹ سمٹ2018ءِ ارزشت ءُ ایشی ءِ تہا دنیاءَ بانداتءِ تشکیل ءِ ھوالگءَ چہ باستءُ واست ءِ تہا اتکگیں بنکی سرھال ءُ انسانیت ءِ پاھدگءِ ھاترءَ ھال رسانک ءِ مواد ءِ صنعت ءِ ھاترءَ کمک کاریں ٹیکنالوجی ءُ جدت ءِ وسیلگءِ پدر کنگءَ ھال درءِ استیں کردءَ را من اَنت۔ اعلامیہ ءِ تہا دستخط کنوکانی اوست اِنت کہ ورلڈ گورنمنٹ سمٹ ءِ ھوالگءَ وشی ءِ میاں اوستمانی سولءُ تران ءِ نتیجگ ءُ سفارشات ھال در ءِ دلگوشی ءِ ھک دار اِنت وھدے کہ تکنیکی دیمروئی ءَ را گشاد ءُ انسانی مسرت ءُ پلاح گہبود ءِ سرءَ دلگوشی کنگ، ھم کچی ءُ آسودگیں جاورھال پیداک کنگءِ عملی ایجنڈا ءِ گوما بندوک کنگ ءُ وشی ءِ ھوالگءَ چہ سائنسی دیمروئی ءَ ھا ل درءِ کردءَ را پدّر کنگ بوتگ۔
