اسلام آباد۔ 17 دسمبر (اے پی پی) صدر مملکت ممنون حسین ئَ گوشت کہ زر ئُُ ڈگاری کشک پاکستان ئِ طاقت اَنت ئُُ پاکستان ایشی ئَ چہ نپ ئُُ سیت زورگ شر زانت۔ زرئی سوداگری ئِ دیمروئی ئِ ھاترا اِزمی کار آنی سر ئَ ھاسیں دلگوشی دیگ لوٹیت۔ صدر ئِ مملکت ئَ اے گپ کراچی ئَ پاکستان میرین اکیڈمی ئِ پنجاھ ئُُ سیمی دستہ ئِ پاسنگ آﺅٹ پریڈ ئَ گشتانک دیان ئَ گوشت اَنت۔ اے موہ ئِ سر ئَ بُنجاھی وزیر برائے پورٹس اینڈ شپنگ میرحاصل خان بزنجو، بُنجاھی سیکریٹری برائے پورٹس اینڈ شپنگ خالد پرویز، کمانڈنٹ پاکستان میرین اکیڈمی کموڈور اکبر نقی ھم ساڑی اَت۔ صدر ئِ مملکت ئَ گوشت کہ ھما راج سر ئَ چست کُلت ئُُ زندگ بوت کناں کہ ھما وتی راجی مکسد آناں پیلو کُت کناں۔ آ گوں بلد کاری ئَ سرڈگار ئُُ سیم سر آں راج ئِ رکھینگ ئُُ وشھالی ئَ کارمرد کناں۔ ما چین ئِ کمک ئَ چہ یک ٹوھیں دیمروئی گام ءجنگ ئَ آں اقتصادی راہداری ئَ چہ راج ئِ پساھندگ پُش مہ پُشت ئَ آسودگ ئُُ سیر لاپ بنت۔ صدر ئِ مملکت ممنون حسین ئَ گوشت کہ اقتصادی راہداری یک آشوب اِت۔ اقتصادی راہداری ئَ چہ لینڈ لاکڈ (locked land)ملک ئُُ سنٹرل ایشیا ئَ ابید دُگنیا ئِ ایندگہ پڑ آنی ملک آں تاں رسد الکاپی ئُُ زوتی ئَ بیت۔ پاک چین اقتصادی راہداری منصوبگ ئَ روبرکتی چین ئَ گوادر ئَ گوں ملارین ایت ایشی ئَ چہ دُگنیا ئِ یک مزنیں بھر ئِ ھوار کپ ایت۔
