اسلام آباد۔ 16دسمبر (اے پی پی) پاکستان پیپلزپارٹی نا باسک اعجاز جاکھرانی پارینے کہ سقوط ڈھاکاآن سبخ اس ہلسا ننے چنکا صوبہ غاتے حق تروئی مریک تانکہ پین وخت اس ننا مون آ دُن ئُ سانحہ اس بف، جمعہ آ قومی اسمبلی ٹی یوم سقوط ڈھاکا غا شرہ ٹی بشخ ہلسا اعجاز جاکھرانی پارے کہ 16دسمبر یوم سقوط ڈھاکانا دے ئِ و دا دے 2014ءٹی آرمی پبلک اسکول آ جلہو مس۔ اوپارے کہ نن بایدے ماضی آن سبخ اس ہلین۔ بلوچستان نا حق ئِ ترسا اونا حق تلفی نا ازالہ ئِ کروئی مرے۔ ہنداوڑ چنکا صوبہ غاتے ہم حق تننگے تانکہ پاکستان ناتاریخ اٹی پین وخت اس دُنو دے اس ننے خنوئی تمپ۔ اوپارے کہ سانحہ کوئٹہ نا جاست وپاست کن اڈ ہلوک کمیشن تینا رپورٹ اٹی پارینے کہ نیشنل ایکشن پلان آ عملدرآمد کننگ تنے۔
