پنچ سال انا وخت بڑزکو معیارنا بج درستی راستی کرفنگا، امب، کینو تون اوار ایلو میوہ غاتا ایکسپورٹ نا بابت ہچ ئُ غاو اس ملتنے، بنجائی پارلیمانی سیکرٹری رجب علی بلوچ

اسلام آباد۔ 16دسمبر (اے پی پی) بنجائی پارلیمانی سیکرٹری رجب علی بلوچ پارینے کہ گدرینگوک آ پنچ سال انا وخت بڑزکو معیار نا بج درستی راستی کرفنگانے،ہرافتا پیداوار جہانی معیار نا رداٹ ئِ، امب، کینوتون اوار ایلو میوہ غاتا ایکسپورٹ نا بابت ہچ ئُ غاو اس ملیتنے۔ جمعہ آ قومی اسمبلی ٹی وقفہ سوج آتا وخت بنجائی پارلیمان سیکرٹری رجب علی بلوچ عائشہ سید نا سوج انا ورندی ٹی پارے کہ گدرینگوک آ پنچ سال آن امب انا ایکسپورٹ جہانی معیار نا رداٹ مننگ ئِ، اسہ غاو اس ہم ملیتنے۔ اوپارے کہ وزارت قومی غذائی رکھ و پٹ وپول پیداوار اٹی ودکی و برآمدآتے کن جہانی معیار آتیا پورو سلنگ کن تینا معیار اٹی گچینی کن ریسرچ نا کمک اٹ ملک اٹی میوہ غاتا کشارگرتا آسراتی نا خاطر مریس وگونڈ وختی گام گیج ہرافتے ٹی امب، سٹرس و امرود نا باغ تیٹی جوجک آتا مون ئِ توننگ نا نظم و نس ، مشینی کٹائی نا بنائ، امب آتیٹی ڈی سیسنگ، سارک ملک آتیٹی پیداوار اٹی ودکی کن میوہ غاتا ویلیو ایڈیشن اوار ئِ۔ اسہ ضمنی سوج اسے نا ورندی ٹی اوپارے کہ 6.8ملین ٹن برنج ودی مس و 3.3ملین ٹن برآمد کننگا۔ اوپارے کہ اپوزیشن باسک آک مخصوص فصل اسے نا پار تو ورندی گچین وڑاٹ تننگ مریک۔ گدرینگوک آ پنچ سال انا وخت بڑزکو معیار نا بج درستی راستی کرفنگانے ہراڑآن ریکارڈ پیداوار مسنے۔