اسلام آباد۔ 16دسمبر (اے پی پی) بنجائی پارلیمانی سیکرٹری ڈاکٹر درشن پارینے کہ بنجائی حکومت یو این ریجن و صوبائی حکومت آتون اواری اٹ جان جوڑی نا بشخ اٹی کاریم کننگ ئِ و غٹ معاملہ غاتا چاری گری ئِ کننگ انگ ئِ۔ جمعہ آ قومی اسمبلی ٹی وقفہ سوج آتا وخت بنجائی پارلیمانی سیکرٹری ڈاکٹر درشن شازیہ مری نا سوج انا ورندی ٹی پارے کہ یو این ریجن و صوبائی حکومت آتون اواری اٹ جان جوڑی نا بشخ اٹی کاریم کننگ ئِ۔ اوپارے کہ بنجائی وزارت، کمکار، پالیسی و ضوابط وضع کننگ و چاروکی نا تینا کڑد انا رداٹ تینا گچین وڑاٹ ادا کننگ ئِ۔ اوپارے کہ بنجانا بست وبند اٹی علاقہ غاتیٹی غذائیت نا بابت گام گیج کن بنجائی حکومت براہ راست فنڈ تفننگ ئِ ولے ڈٹ بندی کمیشن اٹی بنجائی علاقہ غاتے کن غذائیت پی سی ون آ سجفنگ انگ ئِ۔ اوپارے کہ مردم شماری مننگ آن گڈ آبادی نا سہی معلوم مننگ کیک۔ اوپارے کہ غذائیت نا بابت خطرہ غاتیان دوچار چناتیٹی گڑاس غذائیت ئِ توننگ و اوفتا درمان کننگ نا غذائیت نا پدریسہ عمل نا وڑاٹ جان جوڑی نا صوبائی محکمہ ، اقوام متحدہ نا ادارہ غاتون اواری اٹ نیوٹریشن نا کمک اٹ شیر خوار و چناتا خور، معمولات، لمہ نا پال کنفنگ ئِ مون آ دننگ و رکھ باوری مننگ کیک۔
