ساڑی دورحکومت اٹی وزارت ہاﺅسنگ و تعمیرات آن تعلقدار کرپشن نا ہچ ئُ سکینڈل اس مون آ بتنے
اسلام آباد۔ 16دسمبر (اے پی پی) بنجائی وزیر ہاﺅسنگ و تعمیرات اکرم خان درانی پارینے کہ ساڑی دورحکومت اٹی وزارت ہاﺅسنگ و تعمیرات آن تعلقدار کرپشن نا ہچ ئُ سیکنڈل اس مون آ بتنے ولے ریکوری نا بابت ہراکیس آتا جاست وپاست جاری ئِ اوفتے چار تو اٹی پورو کننگک۔ جمعہ آ قومی اسمبلی نا دیوان اٹی وقفہ سوج آتا وخت ڈاکٹرمہرین رزاق بھٹو نا سوج انا ورندی ٹی بنجائی وزیر ہاﺅسنگ و تعمیرات اکرم خان درانی پارے کہ ریکوری نا بابت ہراہرا کیس آتا جاست و پاست محکمہ تون ئِ او چار تو انا تہٹی پورو کننگرہ۔ گڑاس محکمہ غاتیان ریکوری ہم کننگانے۔ اوپارے کہ ساڑی دور اٹی ننا وزارت نا بابت کرپشن نا ہچئُ سیکنڈل اس مون آ بتنے ۔ عدالت نا حکم نا رداٹ الاٹمنٹ کننگ انگ ئِ اوٹی ننا مرضی نا ہچ ئُ عمل دخل اس اف۔ اوپارے کہ پاک پی ڈبلیو ڈی ٹی کل 67 جاست وپاست ئُ ہرافتیان 32مقدمہ نیب اتون، 22ایف آئی اے و ای اینڈ ڈی قواعد 1973ءنا رداٹ 13مقدمہ ئُ۔ سٹیٹ آفس انتظامیہ ٹی بدعنوانی نا مسہ انکوائری ئُ۔
