اسلام آباد۔ 16دسمبر (اے پی پی) چیئرمین سینیٹ سینیٹر میاں رضا ربانی پارینے کہ حکومت ہفت جنوری 2017ءآن مست سینیٹ آن منظور کردہ اِرابل ئِ قومی اسمبلی آن ہم منظور کرفے انتئے کہ بیست ئُ یک می آئینی ترمیم اٹی کروک آ گڑاس ترمیم داتاریخ آ چٹرہ۔ جمعہ آ ایوان بالا نا دیوان ٹی چیئرمین سینیٹ میاں رضا ربانی پارے کہ اے پی ایس سانحہ ٹی پارلیمان بیست ئُ یک می آئینی ترمیم منظور کریسس و داڑتون اسہ سن سیٹ کلاز اس ہم ئس۔ ہفت جنوری 2017ءآ او سن سیٹ کلاز عمل اٹ بریک و او دفعہ غاک چٹرہ۔ سینیٹ نا کمیٹی آف دی ہول ہراانسداد دہشت گردی کن سفارش مرتب کریسس اوٹی سن ڈاﺅن کلاز نا چٹنگ آن گڈ خلائِ پر کننگ کن اِرا بل ئسر۔ اسہ انسداد دہشت گردی(ترمیمی) بل و ارٹ میکو شاہدی تا رکھ انا بل ئس۔ داہڑتوم آ بل سینٹ آن امنائی اٹ منظور مرسا قومی اسمبلی ئِ گدریفنگاسر۔ سینیٹ تینا زمواری تے پورو کرے تانکہ کانودی خلاف مف اومیت کیوہ کہ قومی اسمبلی و حکومت دا اِرا بل آتے ٹیک اپ کیک۔ چیئرمین قائد ایوان سینیٹر راجہ ظفرالحق پارے کہ دامعاملہ ئِ حکومت نا نوٹس اٹی اتے۔
