واشنگٹن۔ 16دسمبر (اے پی پی) وزیراعظم نا خصوصی کمکار خارجہ امور طارق فاطمی پارینے کہ پاکستان و امریکہ نا نیام اٹ سوگو تعلقداری سویلی ایشیاو اوڑآن پیشن ڈیہہ ٹی امن و سوگوی ٹی کمکار ئِ، وزیراعظم محمد نواز شریف امریکی گچین مروک صدر ڈونلڈ ٹرمپ انا پوسکن آ انتظامیہ تون ہڑتوم آ دیرینہ سیوتی ملک آتا نیام اٹ تین پہ تینی وڑاٹ مفید رابطہ غاتا خواہندارئِ۔ او داہیت ئِ داڑے ”اے پی پی“ تون خصوصی انٹرویو ٹی پارے۔ طارق فاطمی پارے کہ امریکہ ئِ سمامرے کہ اینو نا پاکستان امریکہ نا اسہ قابل بھروسہ، گچین و سنجیدہ شریدار ئِ۔ اوپارے کہ وزیراعظم نواز شریف نا فعال سروکی ٹی پاکستان غٹ اتون دوستانہ تعلقداری تا خواہش مند و بالعموم دنیا تون تین پہ تینی وڑاٹ مفید رابطہ استوار کننگ خواہک۔ اوپارے کہ تاریخی وڑاٹ امریکہ کیہی عشرہ غان پاکستان نا سنگت ئِ و ہڑتوم آ ملک آک گڑاس بے کچ اہم معاملہ غاتیا اسہ ایلو تون کمک کریر۔ طارق فاطمی پارے کہ ٹرمپ انتظامیہ ئِ پاکستان و امریکہ نانیام اٹ شون و شان تعلقداری تا تاریخ ئِ مون آ بایدے تخوئی مرے ہرا دنیا نا ننا بشخ اٹی امن نا مسخت ئِ سوگوی ایتک۔ اسہ سوج اسے نا ورندی ٹی وزیراعظم نا خصوصی کمکار پارے کہ پوسکن آ امریکی انتظامیہ ٹی خذمت انجام تننگ نا خواہدار شخصیت آتون تینا غیر رسمی اوڑدہی تیٹی اوپاکستان نا نکتہ نظر اس سرکرے کہ وزیراعظم محمد نواز شریف امریکہ تون پاکستان نا تعلقداری تے اولین اولیت ایتک ، او امریکہ تون گچین تعلقداری خوائک و دا ہیت انا خواہندار ئِ کہ ہڑتوم آ ملک آتے تین پہ تینی وڑاٹ مفید بشخ آتیا توجوہ تخوئی مرے۔ کشمیر نا بارواٹی اسہ سوج اسے نا ورندی ٹی طارق فاطمی پارے کہ دا تنازعہ اقوام متحدہ نا سلامتی کونسل نا ایجنڈاغاٹی ئِ کہ دا دیرینہ تنازعہ نا ایسری آن بیدس ڈیہہ ٹی امن و سوگوی بننگ کپک۔ مقبوضہ وادی ٹی کوزہ گر فوج تینا وحشیانہ و استبدادی ہتھکنڈہ غاتیان دہشت نا فضائِ قائم کرینو۔ اوپارے کہ امریکہ اسہ بھلو واک اسے و اقوام متحدہ نا سلامتی کونسل نا آخبتی باسک ئِ ہرانا پاکستان و بھارت ہڑتوم آتون گچین رابطہ ئِ و ڈیہہ نا امن اٹی اہم مفاد نا حامل ئِ۔ اوپارے کہ امریکہ بھارت و پاکستان نا نیام اٹ تعلقداری تا مون آ دننگ کن بایدے کوشست کے ، ہراہڑتوم آ ملک آتا است خواہی تیان ہم آہنگ مریر و تینا حق خودارادیت نا منصفانہ نصب العین کن جہد کروک آ کشمیری الس نا است خواہی تے ہم پورو کے۔ اوپارے کہ پاکستان نا پالیسی تا آئی ایم ایف، جہانی بینک سٹینڈاینڈ پورکون آ جہانی ادارہ غاک ستائِ کرینو۔ اوپارے کہ ادارہ غاک سوگو ئُ و ملک انسداد دہشت گردی نا پٹ اٹی سرسہبی دوئی کرینے۔ داڈول نا سازگار حالیت آک ملک اٹی بے مثل زرکاری راغب کننگ نا کمکار ئُ۔
