وزیر مملکت اطلاعات و نشریات مریم اورنگزیب (اینو) کیک
اسلام آباد۔ 15دسمبر (اے پی پی) وزیر مملکت اطلاعات و نشریات مریم اورنگزیب (اینو) جمعہ آ سہب انا 10بجہ غاایوان قائد فاطمہ جناح پارک اٹی سرکاردوجہان حضرت محمد مصطفی ﷺ تون منسوب نوادرات آتا اِرادے ئی نمائش نا افتتاح ئِ کیک۔ دا مقدس نوادرات آتا زیارت نا بست وبند ئِ نظریہ پاکستان کونسل اسلام آباد جشنِ عید میلادالنبیؑ نا دود آتا چرجوئی ٹی فاروق آباد اٹی واقعہ اسہ نجی عجائب گھر خوشبوئے مدینہ میوزم و ہاشوانی گروپ نا کمک اٹ کرینے۔ نوادرات آتیٹی سرکارِ رسالت مآب ؑ نا نعلین مبارک، عصائے مبارک آ خلوک آ چمڑہ نا پھل، حضرت امام حسین ؓ نا نعلین مبارک ومعرکہ کربلا ٹی کاریم اٹ بروک آ تیر، اسلامی خطاطی نا نمونہ، قرآن پاک نا قلمی نسخہ و انبیاءکرام ؑ، اولیائے عظام نا شجرہ نسب آتون اوار اسلامی تاریخ تون وابستہ چندی گڑاک اوار ئُ۔ نمائش ہڑتوم آ دے سہب انا 9بجہ آن بیگہ نا 4بجہ اسکان برجاءسلک۔
