رحیم یارخان ۔ 6 جنوری (اے پی پی) مزن وزیرشاہد خاقان عباسی شمبے ءِ روچ ءَ رحیم یار خان ءِ تحصیل صادق آباد ءِ ھند ءَ گیس پمپنگ سٹیشن ءِ بنگیج ءِ واستہ سر بوت۔ اے منصبوبگ سرجمیں ملک ءَ گیس انفرانسٹرکچر ءِ دیمروئی ءِ منصوبگ ءِ بھر اِت ایش سوئی ناردرن گیس پائپ لائنز لمیٹڈ ءُُ سوئی سدرن گیس کمپنی لمیٹڈ ءِ یکجائی منصوبگ اِت۔ اے منصوبگ ءَ 1044 کلومیٹر پائپ لائن ءِ جوڑیشت ایس این جی پی ایل ءُُ 425 کلومیٹر پائپ لائن ایس ایس جی سی ءِ نیمگ ءَ جوڑیشت ھوار اَنت۔ گیس انفراسٹرکچر ءِ ھواری ءِ گوما پُج اِتگیں گیش ءِ کساس 1200 ملین مکعب فٹ ھمک روچ گیش بوھان ءَ دو سر بزاں2400 ملین مکعب فٹ ھمک روچ بیت۔ گیس انفراسٹرکچر ڈویلپمنٹ ءِ منصوبگ ءِ وسیلگ ءَ پاور پلانٹس ، انڈسٹریز، کاروباری ءُُ لوگی کارمرد کنوک آناں گیس ءِ شنگ ءُُ تالانی ءَ یک شل ءَ گیشی بیت۔
