اسلام آباد۔ 15 دسمبر (اے پی پی) بُنجاھی کابینہ ئَ فاٹا ریفارمز رپوٹ ئِ منظوری ئَ را گیش شور ئُُ سلاھ ئِ واستہ مھتل داشتگ، فاٹا ریفارمز کمیٹی جے یو آئی (ف) ئُُ پختونخوا ملی عوامی پارٹی ئَ گوں فاٹا ریفامز ئِ ھوالگ ئَ یک بر ئِ پد ئَ گند ئُُ نند کنت، مزن وزیر محمد نوازشریف ئُُ کابینہ ئَ فاٹا ریفارمز کمیٹی ئِ کوشست آناں ساڑات ئُُ اے گپ ئَ را من اِت کہ اولی بر ئَ فاٹا ریفارمز ئِ بابت ئَ سرجمیں رپوٹ ئِ جوڑ کنگ بوتگ۔ پنچ شمبے ئِ روچ ئَ وزیر ئِ مملکت برائے اھوالکاری ئُُ شنگ کاری ئُُ راجی مڈی مریم اورنگزیب ئُُ بُنجاھی وزیر سیم سرئی کار لیفٹیننٹ جنرل (ر) عبدالقادر بلوچ ئَ مزن وزیر کارگس ئَ آدیٹوریم ئَ میڈیا ئَ را بریفنگ دیان ئَ گوشت کہ مزن وزیر نواز شریف ئِ پاگواجئی ئَ بُنجاھی کابینہ ئِ دیوان ئِ بُنگیج کنگ ئِ سر ئَ پی آئی اے بالیگ ئِ وئیل ئُُ کراچی ئَ جِندی ہوٹلے ئَ آس لگگ ئِ وئیل ئَ چہ بیران بوتگیں مردم آنی واستہ نیک دُعا کنگ بوت۔ کابینہ ئِ دیوان ئَ فاٹا ریفارمز رپوٹ پیش کنگ بوت ایشی ئِ سر ئَ مزنیں کساس ئَ شور ئُُ سلاھ کنگ بوت۔ وزیر ئِ مملکت برائے اھوالکاری ئُُ شنگ کاری مریم اورنگزیب ئَ گوشت کہ فاٹا ریفارمز ئِ بابت ئَ پیسر ئِ زمانگ ئَ ایوک ئَ گپ جنگ بوتگ، اولی بر ئَ استیں حکومت ئَ فاٹا ریفارمز ئِ بابت ئَ چار ئُُ بچار آناں پکوئیں رنگے داتگ۔ فاٹا ریفارمز کمیٹی ئَ توامیں سٹیک ھولڈر آں گوں شور ئُُ سلاھی ئَ پد رپوٹ ٹھینتگ۔ اے اولی رند بوتگ کہ فاٹا ریفارمز ئِ سر ئَ جوڑ یں کمیٹی ئَ چہ سپارش فاٹا ئِ توک ئَ بہ نند آں ئُُ جوڑ بکن آں، ایشی ئِ تہ ئَ سینیٹرز، ایم این ایز، ھندی نماھندگ، چاگردی مردم آں گوں شور ئُُ سلاھ کنگ بوتگ۔ آئی ئَ گوشت کہ مزن وزیر ئُُ کابینہ ئَ فاٹا ریفارمز کمیٹی ئِ سرجمیں کار، توامیں سٹیک ھولڈر ئَ چہ شور ئُُ سلاھ آنی سرئَ چار ئُُ بچار آنی بازیں واھشت آناں ساڑات۔
