اسلام آباد۔ 15دسمبر (اے پی پی) بنجائی وزیر انسانی حق سینیٹر کامران مائیکل پارینے کہ ساڑی آ حکومت زالبول، اقلیت و چناتتون اوار غٹ شاری تا حق انا رکھ انا عزم ئِ کرینے و صوبائی حکومت آتون اوار گلگت بلتستان و آزاد جموں و کشمیر نا حکومت آتا اواری اٹ انسانی حق انا جہانی کنونشن آتیا عملدرآمد کن کوشست آک برجائُ۔ پنچ شنبے آ اسہ بیان اسے ٹی اوپارے کہ پارلیمنٹ زالبول، چناو اقلیت آتا انسانی حق انا رکھ اکن بھلو اہم کانود سازی اس کرینے۔ اوپارے کہ داوخت آ ہم اقلیت آتا حق انا رکھ و انسانی حق انا پاسداری نا مون آ دننگ کن کانود سازی نا رداٹ کاریم جاری ئِ۔ اوپارے کہ پاکستان اٹی غیرت نا پن آ خون انا گندہ انگا گام انا چٹفنگ کن کانود اٹی ساڑی سقم ئِ چٹفنگانے۔
