اسلام آباد۔ 14 دسمبر (اے پی پی) صدر مملکت ممنون حسین ئَ گوشت کہ سویلین ئُُ اُردی اپسر دوئین آناں یک پیمیں وانگ ئُُ زانگ ئِ پُجاری کنگ ئُُ دیمپانی ئِ ھاترا گامگیج آنی تہ ئَ پٹ ئُُ پولی کار آنی پڑ ئَ نیشنل ڈیفنس یونیورسٹی ئِ ارزشتی ایں کرد اِت۔ صدر ئِ مملکت ئَ اے گپ نیشنل ڈیفنس یونیورسٹی ئِ روﺅکیں صدر لیفٹیننٹ جنرل نذیر احمد بٹ ئَ گوں تران کنان ئَ گوشت اَنت، آ چار شمبے ئِ روچ ئَ ایوان ئِ صدر ئَ گوں گند ئُُ نند ئِ ساھت کُت اَنت۔ صدر ئِ مملکت ئَ اددارگ آنی کرد ئَ را ساڑاتئُُ آئی ئَ گوشت کہ سلاھ بندیں اُردئِ اپسر پاکستان ئِ اُردی پڑ ئُُ اُلسی پڑ ئَ جوانیں اِزمکاری ئَ پیش دارگ ئَ اَنت۔ آئی ئَ ملک ئِ اندر ئَ جوانیں وانگ ئُُ زانگ ئِ کچ ئُُ بالاد ئَ را گیش جوانتر کنگ ئُُ وانگ ئُُ زنگی ادارگ آنی تہ ئَ نوکیں زمانگ ئِ آسراتی آنی پُجارینگ ئَ پہ اُمیت سُہرا کُت ئُُ گوشت کہ استیں وھد ئَ کش ئُُ کِرے ھمساھگیں ملک ئِ اُلس ئُُ مردم چہ پاکستان ئِ وانگ ئُُ زانگ ئَ نپ ئُُ سیت زورگ ئَ اَنت۔ صدر ئِ مملکت ممنون حسین ئَ نیشنل ڈیفنس یونیورسٹیئِ رﺅکیں صدر لیفٹیننٹ جنرل نذیر احمد بٹ ئِ ادرگ ئِ ھاترا کتگیں اِزمت آناں ساڑات ئُُ اے واھشت ئِ درشان کُت آ وتی تجروبت آں گوں آیوکیں زمانگ ئَ ملک ئِ وانگ ئُُ زانگی رپک ئَ را جوانترکنگ ئَ پہ جُہد ئُُ کوشست آناں جاڑی داریت۔
