ایس این جی پی ایل کٹیا کروک کمپنی جوڑ مس

اسلام آباد۔ 14دسمبر (اے پی پی) نسخان اٹی نمان کمتی نا سوب سوئی نادرن گیس پیپ لین لمیٹڈ (ایس این جی پی ایل ) کٹیا کروک کمپنی اس جوڑ مس۔ ایس این جی پی ایل نا کنڈآن پاکستان اسٹاک ایکسچینج ئِ گدریفوک آ مالیاتی رپورٹ نا رداٹ گدرینگوک آ مالی سال 2015-16ءنا وخت کمپنی ئِ 124ملین روپئی نا کٹیا دوئی مسنے وخت اس کہ داڑآن گدرینگوک آ مالی سال نا وخت کمپنی ئِ 2.4ارب روپئی نا نسخان نا مون تروکی ئس۔ رپورٹ نا رداٹ گدرینگوک آ مالی سال اکن کمپنی نا فی حصص کٹیا 0.20 روپئی مسنے وخت اس کہ مالی سال 2014-15ءنا وخت کمپنی ئِ فی حصص 3.93روپئی نا نسخان نا مون تروکی ئس ، رپورٹ نا رداٹ کمپنی نا نسخان اٹی نمان کمتی نا سوب کمپنی ئِ کٹیا دوئی مسنے۔