اسلام آباد۔ 14دسمبر (اے پی پی) وزارت ڈٹ بندی و شونداری اینخو مالی سال انا سرکاری بشخ انا شونداری پروگرام تیٹی بنجائی حکومت نا خصوصی پروگرام تے کن 71ارب 2کروڑ روپئی آن زیات نا فنڈ جاری کرینے۔ حکومت اینخو مالی سال انا وخت بنجائی حکومت نا خصوصی پروگرام تے کن 1کھرب99 ارب 66کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت پائیدار شونداری ہدف آتا دوئی کن 20 ارب، پرائم منسٹر یوتھ و ہنر مند پروگرام کن 6ارب 86کروڑ، واپڈا کن 2ارب 93کروڑ عارضی وڑاٹ بے اُرا مروک آ بندغ آتا بحالی کن 42ارب روپئی نا فنڈ جاری کرینے۔
