اسلام آباد۔ 14دسمبر (اے پی پی) امریکی امدادی ادارہ یو ایس ایڈ پاکستان ئِ قطبی وزیرستان ایجنسی ٹی کرم تنگی ڈیم اکن 8کروڑ 10لکھ ڈالر نا وام ایتک۔ ریڈیو پاکستان نا رداٹ واپڈ ا و یو ایس ایڈ نا نیام اٹ دا چرجوئی ٹی اسلام آباد اٹی معاہدہ غا دستخط مس۔ داوخت آ وزیر دیر و بجلی خواجہ آصف ہم ساڑی ئس۔کرم تنگی ڈیم انا بڑزی 322فٹ ئِ و داٹی دیر انا کوڑی کننگ نا جم اٹنگا گنجائش 1.20ملین ایکڑ فٹ ئِ۔ داڑآن 16ہزار ایکڑ ڈغار سیراب مریک وخت اس کہ ڈٹ انا پوروی آن ہڑزان بجلی ودی کرسا قومی گریڈ اٹی اوار کننگک۔ یو ایس ایڈ نا تروک آ فنڈ آن ڈٹ انا اولیکو مرحلہ ئِ پورو کننگک۔
