اسلام آباد۔ 14دسمبر (اے پی پی) وزارت ڈٹ بندی و شونداری اینخو مالی سال نا سرکاری بشخ انا شونداری پروگرام تیٹی دیر و بجلی ڈویژن نا شونداری ڈٹ آتے کن جم وڑاٹ داوخت اسکان 48ارب7کروڑ 56لکھ روپئی آن زیات نا فنڈ جاری کرینے۔ حکومت اینخو مالی سال انا وخت دیر و بجلی ڈویژن نا شونداری ڈٹ آتے کن 1کھرب33ارب17کروڑ روپئی آن زیات نا فنڈ جتا کرینے۔ پلاننگ کمیشن نا برجاہ کروک حساب وکتاب نا رداٹ حکومت بلوکی ٹی 1200 میگاواٹ ایل این جی پاور پلانٹ کن 12ارب93کروڑ، حویلی بہادر شاہ ایل این جی پاور پلانٹ کن 12ارب63کروڑ، کوئٹہ ٹی گریڈ اسٹیشن و ٹرانسمیشن لین کن 3کروڑ 92لکھ، بلوچستان اٹی 10چنکا ڈیم تا جوڑ جاڑ کن 28کروڑ، جامشورو ٹی دراوت ڈیم اکن 1ارب کچھی کینال ڈٹ اکن 1ارب، تھر اٹی واٹر سپلائی کن 22کروڑ، پوسکن آ گج ڈیم اکن 1ارب 20کروڑ روپئی تون اوار کیہی شونداری ڈٹ آتے کن فنڈ جاری کرینے۔
