وزیراعظم محمد نواز شریف تون ترکی نا مذہبی امور نا صدر مہمت گرمیز نا اوڑدہی

لاہور۔ 13دسمبر (اے پی پی) وزیراعظم محمد نواز شریف تون ترکی نا مذہبی امور نا صدر مہمت گرمیز لاہور اٹی جہانی سیرت النبی ؑ کانفرنس نا وخت آ اوڑدہی کرے ۔ وزیراعظم محمد نواز شریف مہمت گرمیز نا امت مسلمہ نا خذمت آتا بابت کوشست آتے خراج تحسین پیش کرے۔ اوڑدہی ٹی داہیت آ امنا کننگاکہ امت مسلمہ ئِ مون تروک ویل آتا اسٹ انگا ایسری دین اسلام نا تعلیمات و آنحضور ؑ نا سنت مبارکہ غا حقی وڑاٹ عمل کننگ اٹی ئِ۔ وزیراعظم پارے کہ پاکستان و امت مسلمہ نا ویل دادے کہ نن دہشت گردی نا گواچی مننگ اُن ۔ مہمت گرمیز پارے کہ داہیت افسوزنا سوب ئِ دنیا ٹی ہر جاگہ غا جتا فرقہ غاتا تینا تینا مسیت آک ئُ ۔ اوڑدہی ٹی امنا کننگاکہ اگہ ننے تینا دینی و دنیاوی ویل آتے ایسر کروئی ئِ تو داڑکن مذہبی ہم آہنگی ئِ مون آ دروئی مریک و ننے اسیجائی وڑاٹ اسہ ہندن ئُ مربوط نظام اس وضع کروئی مریک ہرانا روشنی ٹی غٹ فرقہ و امت مسلمہ تین پہ تینی اختلاف آتے گیرام کرسا اتحاد و یگانگت نا کمک اٹ اسلامی تعلیمات آتے حقی روح اٹ راج اٹی رائج کیر ہرا دینی و دنیاوی شرحالی نا ضمات ئُ۔