اسلام آباد۔ 11 دسمبر (اے پی پی) مزن وزیر محمد نواز شریف ئَ یک شمبے ئِ روچ ئَ ترکی ئِ شہر استنبول ئَ بوتگیں ناشرکاری اُرش آناں ایراد گپتگ ئُُ سک باز مذمت کتگئُُ آئی ئَ پولیس ئُُ سیکورٹی ئِ کارندہ آنی گران بہائیں جان نپس آنی تاوان ئِ پد ئَ سک باز رنج ئُُ اندوھ ئِ درشان کتگ۔ مزن وزیر گس ئَ چہ جاڑی بوتگیں بیان ئِ رد ئَ مزن وزیر ئَ گوشتگ کہ پاکستان ئِ حکومت ئُُ اُلس اے واکیہ ئِ پد ئَ سک باز رنجیگ اِنت ئُُ آ ترکی حکومت ئُُ اُلس ئِ گوما یکوئی ئُُ پتاکی ئِ درشان ئَ کنت ئُُ اے گرانیں ساھت ئَ آوانی گوما ھمگام ئَ اوشتاتگ۔ آئی ئَ گوشت کہ ناشرکاری ھواریں ھوپ ئُُ ھِلت اِت ، ایشی ئِ ھلاپ ئَ ھواری ئَ گامگیج زورگ لوٹ ایت۔