اسلام آباد۔ 10 دسمبر (اے پی پی) بُنجاھی وزیر برائے منصوبگ بندی ئُُ دیمروئی احسن اقبال ئِ ماسکو ئَ روس ئِ ٹرانسپورٹ ئِ وزیر ئَ گوں گند ئُُ نند ۔ اے گند ئُُ نند ئِ تہ ئَ معاشی دیمروئی ئِ ھاترا دو نیمگی شوبگ آنی تہ ئَ ھیال ریچی کنگ بوت۔ احس اقبال ئَ گوشتگ اَت کہ پاکستان انچیں سرڈگارے ئِ سر ئَ اِنت کہ آ یکئیں وھد ئَ جنوبی ایشیا، چین ئُُ سینٹرل ایشیاءئَ را یک ئُُ دگر ئَ ملارین ایت۔ چین پاکستان اقتصادی راھداری ئَ چہ سرجمیں پڑ ئَ سئے ارب مردم آناں یک ئُُ دگر ئَ ملارین ھگ کمک کنت۔ آئی ئَ گوشت کہ سینٹرل ایشیا ریجنل کوآپریشن ملک آناں ریل ئُُ دگ ئِ وسیلگ ئَ روس فیڈریشن ئَ گوں یکجا کنگ ئِ واھشت مند اِنت۔ بُنجاھی وزیر احسن اقبال ئَ گوشت کہ مزن وزیر محمد نواز شریف روس ئِ گوما مھکمیں سیادی دارگ ئِ واھشت مند اِنت۔
