اسلام آباد۔ 09 دسمبر (اے پی پی) فاٹاڈیزاسٹرمینجمنٹ اتھارٹی پارینے کہ آپریشن ضرب عضب آن زہمی مروک آ سویلی وزیرستان نا بے اُرا بندغ آک تینا پدی ہِننگ ئِ خیر گئی چیک پوسٹ و قطبی وزیرستان نا بے اُرا بندغ آک میر زیل چیک پوسٹ آ اڈ ہلوک پدی ہِننگ نا بنجاتیا ن باوری جوڑ کیر و حکومت نا کنڈآن پڑو کروک معاوضہ غاتا وی آر ایف فارم آ پر کرفیر۔ فاٹاڈیزاسٹرمینجمنٹ اتھارٹی نا کمامدارآتارداٹ سویلی وزیرستان نا بے اُرا بندغ آتے تینا علاقہ غاتیٹی پدی ہِننگ نا وخت آ خیر گئی چیک پوسٹ آن پدی کار تانکہ اوفتے حکومت نا کنڈآن پڑو کروک معاوضة غاتا فارم وی آرایف پر کرفنگ مرے۔ خیر گئی چیک پوسٹ آن بیدس ایلو کسرتیان پدی ہنوک آ وی آر ایف فارم ئِ پر کپروک آ بے اُرا بندغ آتے معاوضہ جات تننگپک۔ ہنداوڑ قطبی وزیرستان نا بے اُرا بندغ آک میر زیل چیک پوسٹ آ اڈ ہلوک بنجاتیان پدی ہِننگ نا باوری جوڑ کیر تانکہ اوفتے حکومت نا کنڈآن پڑو کروک معاوضہ غاتا وی آر ایف فارم ئِ پر کرفنگ مرے۔
