سٹیٹ بینک مشکوک ٹرانزیکشن نا جاچ انا نظام اس وضع کرینے، اشرف وتھرا نا انسداد بدعنوانی نا جہانی دے انابابت دود آن تران
اسلام آباد۔ 09 دسمبر (اے پی پی) بنجائی وزیر کانود و انصاف زاہد حامد پارینے کہ حکومت بدعنوانی نا چٹفنگ کن سخت گام گیج کننگ کن پرعزم ئِ۔ داخیال آتا درشانی ئِ او جمعہ آ انسداد بدعنوانی نا جہانی دے انا بابت دود آن تران کرسا کرے۔ اوپارے کہ پاکستان 2007ءٹی اقوام متحدہ نا انسداد بدعنوانی کنونشن ئِ پک کرے۔ بدعنوانی ملک ئِ مون تروک بھلو چیلنج اسے انتئے کہ بدعنوانی آن وسیلہ غاتا زیان و براہ راست زرکاری ٹی کمتی آن ملکی شونہالی ٹی اڑاند ودی مریک۔ اوپارے کہ نیب انا ”بدعنوانی آن انکار“ نا مہم وزیراعظم محمد نواز شریف نا بدعنوانی نا برخلاف زیروٹالرنس نا وژن نا عکاس ئِ۔ داوخت آ تران کرسا گورنر سٹیٹ بینک اشرف وتھرا پارے کہ بدعنوانی معاشی و راجی شونداری ٹی غٹ آن بھلا اڑاند ئِ۔ اوپارے کہ سٹیٹ بینک مشکوک ٹرانزیکشن نا جاچ انا نظام اس وضع کرینے و دامسخت کن فنانشل مانیٹرنگ یونٹ اس اڈتننگانے۔
