اسلام آباد۔ 09 دسمبر (اے پی پی) صدر مملکت ممنون حسین پارینے کہ انتظامی ادارہ غاک بے پرخ و بنداوی فرض ئِ سمجھسا بدعنوانی نا چٹفنگ کن گام گیج کیر تو وطن عزیز ئِ بھاز زوت دالعنت آن چھٹکارا ملنگ کیک۔ ننے اللہ تعالیٰ نا خوشنودی و جہاد سمجھسا بدعنوانی نا چٹفنگ کن کاریم کروئی مریک۔ کرپشن نا چٹفنگ کن مچ آ قوم رضاکارانہ کڑد ادا کے و راج اٹی دننگا مون انگا میل تا پیدواری ئِ کیر ہرا دننگا سرجزآتیٹی اوار ئُ۔ صدر مملکت داہیت ئِ ایوان صدر اٹی انسدادِ بدعنوانی نا جہانی دے انا وخت آ دودآن تران کرسا پارے ہراٹی بنجائی وزیر برائے کانود و انصاف زاہد حامد، چیئرمین قومی احتساب بیورو قمرزمان چوہدری و گورنر اسٹیٹ بینک اشرف محمود وتھرا آن بیدس درملکی سفیر و شرفمندآ مہمان تا اسہ بھلو کچ اس ساڑی ئس۔ صدر مملکت پارے کہ ننا راج انا بگاڑنا اصلی سوب بدعنوانی و اختیار آتا غلط کاریم اٹ اتنگ ئِ۔ بدعنوانی اسہ ہندن ئُ ناسور اسے ہراڑآن را ج انا اسہ بھلو تپہ اس محرومی نا گواچی مریک۔ اوپارے کہ پاکستان تون اوار دنیا نا کیہی راج آتیٹی بدعنوانی نا مچ آ زمواری اہل اقتدار و اہل اختیار آتیاشاغنگ سہی اف۔ صدر پارے کہ حداسسکان دا ویل آتا زموار حکمرانک تو مننگ کیرہ ولے حکمران آتون اوار اوار راج ئِ ہم دادے بری الزمہ گوندنگ غلط مریک۔ اوپارے کہ داٹی ہچئُ شبہ اس ف کہ بدعنوانی و اختیار آتا چولی دامن تون ئِ ولے بدعنوانی نا برخلاف ہیت کرسا داہیت ئِ مون آ تخنگے کہ داڑآن ریاست ، ریاستی ادارہ و ریاستی نظام ئِ ہچ ئُ نسخان اس رسینگپ۔ صدر مملکت پارے کہ ننا داکوشست آک ہندادروشم اٹ سرسہب مننگ کیرہ اگہ نن گروہی مفاد آتیان بڑز مرسا صرف بدعنوانی ئِ تینا ہدف جوڑ کین۔ صدر مملکت پارے کہ الس ئِ رکھ فراوان کننگ حکومت نا بنداوی زمواری ئِ و خاص وڑاٹ دننگا بندغ آک ہرا بدعنوان عنصر آتے عبرت نا نشانہ جوڑ کننگ کن کوشست کیرہ۔ صدر مملکت پارے کہ چناتا مون آ قول و عمل اٹی یکسانیت آن اوفتا ذہن تیا مثبت زئم تمک ہراڑآن راج گچینی نا کنڈاکاہک۔ داوخت آ صدر مملکت بدعنوانی نا چٹفنگ اعلیٰ کارکڑد نا درشانی ئِ کروک آ افسرآتے سرٹیفکیٹ ہم تس۔
