اسلام آباد۔ 08دسمبر (اے پی پی) شیخوپورہ ٹی سی ٹی ڈی نا آپریشن اٹی 4دہشت گرد تپاخت کریر۔ نجی ٹی وی چینل نا رداٹ شیخوپورہ ٹی دہشت گرد آتاساڑی گری نا احوال آ کاﺅنٹر ٹیرارزم ڈیپارٹمنٹ نا کارروائی نا وخت دہشت گردآک کارندہ غاتیا سم کاری نا بنائِ کریر۔ سیکورٹی کارندہ غاتا ورندی سم کاری ٹی 4دہشت گردتپاخت وخت اس کہ اوفتا چارسنگت تہاری نا فائدہ ئِ ہرفسا نرار۔ محکمہ انسداد دہشت گردی نا ترجمان نا رداٹ کارروائی نا وخت بارودی مواد، سلہہ دستی بمب و ڈیٹونیٹر آتے کوزہ ٹی ہلنگا۔ ترجمان نا پاننگ ئِ ہندا دہشت گرد آک حساس ادارہ غاتا ماڑی تے نشانہ جوڑ کننگ نا ڈٹ بندی کریرہ۔
