اسلام آباد۔ 08دسمبر (اے پی پی) مسلم لیگ (ضیائ) نا سروک و باسک قومی اسمبلی محمد اعجاز الحق پارینے کہ کوئٹہ ٹی مشترکہ ایوان صنعت و واپار نا اڈتننگ آن پاکستان و ایران نا نیام اٹ واپاراٹی ودکی مسنے و ہڑتوم آ ملک آتا نیام اٹ واپار ئِ پین ودفنگ نا بھلو گمان اس ساڑی ارے۔ اوداخیال آتا درشانی ئِ مشہد نا ایوان واپار و ٹریڈ یونین نا باسک آتون ہیت وگپ کرسا کرے۔ اوپارے کہ ایران۔پاکستان گیس پیپ لین ڈٹ آن ہڑتوم آ ملک آتا تعلقداریک پین سوگو مریرہ و ہڑتوم آ کنڈآتا واپار ئِ ہم مون آ دننگ دوئی مریک۔ داوخت آ مشہد ٹریڈ چیمبر نا نائب صدر محسن خواری ہاشمی پارے کہ سمگلنگ و امن و ایمنی نا حالیت آک ہڑتوم آملک آتا نیام اٹ واپار نا مون آ دننگ اٹی بھلو اڑاند ئُ ۔ ہڑتوم آکنڈآتا واپار نا مون آدننگ کن اوفتامون ئِ توروئی مریک۔
