اسلام آباد۔ 07دسمبر (اے پی پی) پاکستان تون اوار مچ آ دنیا ٹی شاری تہوبازی نا جہانی دے ’انٹرنیشنل سول ایوی ایشن ڈے“ اڈتننگا ۔ نجی ٹی وی چینل نا رداٹ چارشنبے 7دسمبر آپاکستان تون اوار مچ آ دنیا ٹی شاری تہوبازی نا جہانی دے اڈتننگا۔ 1996ءٹی اقوام متحدہ اسہ قرارداداسے نا کمک اٹ دا دے ئِ جہانی کہول آ اڈتننگ نا پڑو ئِ کریسس۔ داکان مست اقوام متحدہ نا ادارہ انٹرنیشنل سول ایوی ایشن آرگنائزیشن نا رداٹ دا دے ئِ اڈتننگاکہ ۔ دادے ئِ اڈتننگ نا مسخت انٹرنیشنل سول ایوی ایشن نا اہمیت نا بابت خلقت آتیٹی شعور بیدار کننگ و بین الاقوامی فضائی ٹرانسپورٹ کن انٹرنیشنل سول ایوی ایشن آرگنائزیشن نا کڑد و افادیت نا بابت آگاہی تروئی ئِ ہراکہ تہوبازی نا رکھ اکن بین الاقوامی معیار ئِ برقرار تخنگ نا زموار ئِ۔
