اسلام آباد۔ 07دسمبر(اے پی پی) پاکستان مسلم لیگ (ن) نا راہشون و وزیر مملکت عابد شیرعلی پارینے کہ پاناما لیکس نا جنگ سچ و دورغ انا نیام اٹ ئِ و داجنگ اٹی فتح سچ انا مریک۔ نجی ٹی وی چینل نا رداٹ چارشنبے آ سپریم کورٹ نا پیشن میڈیا تون ہیت وگپ کرسا اوپارے کہ تحریک انصاف دروغ انا بنداو آ سیاست کننگ ئِ ولے دا جنگ سچ و دروغ انا نیام اٹی ئِ و داٹی سچ انا فتح مریک۔ عابد شیرعلی پارے کہ اگہ پی ٹی آئی و شیخ رشید نادروغ و دروغ انا سیاست نا جنازہ سپریم کورٹ آن پیش تمک و پال اناپال و دیر انا دیر مریک۔ اودرخواست کرے کہ پاناما کیس انا سماعت ہردے نا بنداو آ کننگے۔ وزیر مملکت تحریک انصاف آ تنقید کرسا پارے کہ کاغد آتے نشان تروک آتا شاہدیک ہرانگ ہنار عدالت کوک کوک کرسا او شاہدی تا بارواٹی پاننگ ئِ ولے داسکان شاہدی اس ہم پیش کننگ تنے۔ عابد شیرعلی پارے کہ عمران خان نا کنڈآن وار والد وکیل بدلینگ انگ نا باوجود ہچ اس ثابت متنے۔
