اسلام آباد ۔ 6 دسمبر (اے پی پی) مزن وزیر محمد نواز شریف ئَ گوشت کہ بلدیاتی ادارگ آناں جوانتر کنگ ئِ ھاترا بُنیاتی پڑ ئَ کار برجا اِنت۔ سئے شمبے ئَ مزن وزیر گس ئَ پاکستان مسلم لیگ (ن) پنجاپ ئِ صوبائی رھشون آں گوں دیوان ئِ پاگواجئی کنان گشتانک دیان ءَ گوشت۔ پاکستان مسلم لیگ (ن) ئِ صوبائی رھشون آں مزن وزیر ئَ را بلدیاتی گچین کاری ئَ چہ پد میئر ئُُ ڈپٹی میئر آنی گچین کنگ ئِ بابت ئَ سرپد کُت۔ مزن ویر ئَ گوشت کہ بلدیاتی ادارگ صوبائی ئُُ راجی پڑ ئَ بلدیں ئُُ اِزمکاری رھشون پُجارین ایت۔ دیوان ئِ تہ ئَ وزیر ئِ دیمپانی خواجہ محمد آصف، تہی کارانی وزیر چوہدری نثارعلی خان، پٹرولیم ئِ وزیر شاہد خاقان عباسی، بُنجاھی دیمروئی ئُُ منصوبگ بندی احسن اقبال، ریل گاڑی ئِ وزیر خواجہ سعد رفیق ھم ساڑی اَتاں۔ ایندگہ مردم آنی تہ ئَ سینیٹر پرویز رشید، مزن وزیر ئِ ھاسیں کمک کار ڈاکٹر آصف کرمانی، قومی اسمبلی ئِ باسک حمزہ شہباز شریف، وزیر ئِ لیبر پنجاپ راجہ اشفاق سرور، وزیر ئِ کانود پنجاپ راجہ ثناءاللہ خان، وزیر ئِ دیمروئی ئُُ منصوبگ بندی پنجاپ ملک ندیم کامران، وزیر بلدیات پنجاپ منشاءاللہ بٹ، سینیٹر سعود مجید، ایم این اے مہر اشتیاق احمد، ایم این اے محمد پرویز ملک ئُُ سمیع اللہ خان ھوار اَتنت۔
