اسلام آباد۔ 06دسمبر (اے پی پی) ایئر مارشل (ر) شاہد لطیف پارینے کہ جہانی معاملہ غاتارداٹ ملکی مفادات آتے اولین اولیت تننگک وخت اس کہ سنگتی و دشمنی آخبتی مننگ کپک۔ احوالکارآتون ہیت وگپ کرسا اوپارے کہ مچ آدنیا ٹی ہراڑے کہ کانفرنس اس مرے بھارت پاکستان ئِ بدنام کننگ نا اسہ موقع اسے ہم ہلپک، ہارٹ آف ایشیاءکانفرنس اٹی ہم بھارت ہمورویہ ئِ دہرائفے۔ شاہد لطیف پارے کہ ہارٹ آف ایشیا کانفرنس اٹی ایلو ملک آتا مندوبین آک ہم ساڑی ئسر و داوخت آ پاکستان آ دوبہ غاتا خلنگ جہانی کانود و اخلاق نا برخلاف ئِ ہراٹی بھارت اوغانستان ئِ ہم تینتون گنڈانے۔ ایئر مارشل (ر) پارے کہ ننے بھارتی رویہ ئِ مون آ تخسا سجفنگ نا گرج ئِ، بھارت ہمیشہ دروغ، فریب نا سیبو ئِ ہلسا ننا برخلاف مچ آ دنیا ٹی پروپیگنڈہ کیک، اوپارے کہ جہانی معاملہ غاتارداٹ ملکی مفادات آتے اولین اولیت تننگک وخت اس کہ سنگتی و دشمنی آخبتی مننگ کپک۔ اوپارے کہ بھارت ئِ نن تون اوار مچ آ دنیا چاہک کہ او دہشت گردی تینٹ کیک و مچ آ دنیا ٹی بدنام پاکستان ئِ کننگ نا کوشست کیک ہراٹی اودے ہمیشہ بے سہبی تون مون تروئی تمانے۔
