اسلام آباد۔ 05دسمبر (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی کیہی وزارت و ڈویژن آتا شونداری ڈٹ آتے کن جم وڑاٹ 2کھرب48ارب 67کروڑ 17لکھ روپئی آن زیات نا فنڈ جاری کرینے۔ حکومت اینخو مالی سال انا سرکاری بشخ انا شونداری پروگرام کن 8کھرب روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت پرائم منسٹریوتھ و ہنرمند پروگرام کن 6ارب 86کروڑ، ایرا کن 2ارب 93کروڑ، عارضی وڑاٹ بے اُرا مروک آ بندغ آتابحالی کن 42ارب 56کروڑ، پائیدار شونداری ہدف آتے کن 20 ارب، سیفران فاٹا کن 8ارب 25کروڑ، گلگت بلتستان بلاک کن 4ارب 74کروڑ، اے جے کے بلاک کن 6ارب51کروڑ، واپڈا پاور سیکٹر کن 15ارب 69کروڑ، نیشنل ہائی وے اتھارٹی کن 79ارب، دیر و بجلی ڈویژن کن 6ارب 21کروڑ، سپارکوکن 80کروڑ، ریلویز ڈویژن کن 13ارب 52کروڑ، پورٹس اینڈ شپنگ ڈویژن کن 83کروڑ، پلاننگ کمیشن کن 2ارب30کروڑ، پاکستان اٹامک انرجی کمیشن کن 7ارب 23کروڑ، ملک اٹی جان جوڑی نا آسراتی ئِ گچین جوڑ کننگ کن 7ارب 58کروڑ، نیشنل فوڈ سیکورٹی و ریسرچ ڈویژن کن 51کروڑ، داخلہ ڈویژن کن 4ارب 67کروڑ، ہائر ایجوکیشن کمیشن کن 8ارب 54کروڑ، کابینہ ڈویژن کن 20کروڑ، کیڈ ڈویژن کن 84کروڑ ، ڈیفنس پروڈکشن ڈویژن کن 46کروڑ، ہاﺅسنگ اینڈ ورکس ڈویژن کن 2ارب 55کروڑ، لاءاینڈ جسٹس ڈویژن کن 46کروڑ روپئی تون اوار کیہی شونداری ڈٹ آتے کن فنڈ جاری کرینے۔ پلاننگ کمیشن اسہ خاص ئُ وڑوڈول اسے نا رداٹ کیہی وزارت و ڈویژن آتا شونداری ڈٹ آتے کن فنڈ جاری کننگ ئِ۔
