وزیر مملکت اھوالکاری ئُُ شنگ کاری مریم اورنگزیب مزار ئِ قائد ئَ شُتگ

پاکستان ئِ جوڑ کنوک ئِ سالروچ ئِ درگت ئَ ”ھپتگ قائداعظم“ برجم دارگ ئِ جار
کراچی۔ 3 دسمبر (اے پی پی) وزیر ئِ مملکت مریم اورنگزیب ئَ گوشت کہ پاکستان ئِ جوڑ کنوک قائداعظم محمد علی جناح ئِ سالروچ ئِ درگت ئَ بُنجاھی حکومت ”ھپتگ قائداعظم“ 19دسمبر ئَ چہ 25دسمبر ئَ تاں برجم داریت۔ ایشی ئِ تہ ئَ بازیں نمونگ ئِ مراگش ھڈ دیگ بیت۔ اے گپ آئی ئَ شمبے ئِ روچ ئَ قائداعظم محمد علی جناح ئِ مزار ئِ سر ئَ گوں اوھوالکارں تران کنان ئَ گوشت اَنت۔ بُنجاھی وزیر اھوالکاری ئُُ شنگ کاری مریم اورنگزیب ئَ پاکستانئِ بُن ھشت ایر کنوک ئِ کبر ئِ سرئَ پُل انی چادر پچ کُت۔ آئی ئَ گوشت کہ یک ھپتگے ئِ مراگش آنی تہ ئَ وانگی ادارگ ئُُ پبلک سیکٹر ئَ قائداعظم ئِ اِزم ئِ سرئَ مراگش برجم دارگ بیت۔ آئی ئَ گوشت کہ قائداعظم ئِ گوشتگیں گال ”ایمان، یکوئی، ئُُ مھکمیں یکیم “ ئِ بُن پد ئَ ملک دیمروئی ئِ کوھنڈگ آں سر بوت کنت۔ آئی ئَ گوشت کہ اَستیں زمانگ ئَ اے چیز آنی سک باز پکار اِنت۔ وزیر ئِ مملکت ئَ گوشت کہ مردم آنی ھساب ئِ ھاترا اے سالے بندات ئَ حکومت ئَ گامگیج جوڑ کتگ ئُُ اَستیں حکومت مردم ھساب کنائین ایت۔ مریم اورنگزیب ئَ گوشت کہ نیشنل ایکشن پلان سرجمیں ملک ئِ ھاترا اِنت۔