اسلام آباد۔ 02دسمبر (اے پی پی) سلاہکار قومی سلامتی لیفٹیننٹ جنرل (ر) ناصر خان جنجوعہ جاپان اٹی ڈائریکٹر جنرل فارن افیئراینڈ انٹیلی جنس کاٹو تون اوڑدہی کرے۔ اوڑدہی ٹی تین پہ تینی کمک، آپریشن ضرب عضب نا بھرم آتون اوار ایلو معاملہ غاتیا سجفنگا۔ داکان مست سلاہکار قومی سلامتی لیفٹیننٹ جنرل (ر) ناصرخان جنجوعہ تینا جاپانی ہم منصب شوٹارویاچی تون اوڑدہی کرے۔ جاپانی ہم منصب نا کنڈآن سلاہکار قومی سلامتی نا اعزاز اٹی پیشیم نا ارغ نا بست وبند کننگا۔ اِرغ نا وخت آ ہڑتوم آ شخصیت آتا نیام اٹ مروک آ اوڑدہی ٹی قومی سلامتی نا چندی بشخ آتیٹی ممکمہ کمکاری آ درشانِ خیال مس۔ جاپانی ہم منصب پاکستان نا دورہ نا خواہش نا درشانی ئِ کرے۔ سیکرٹری جنرل نیشنل سیکورٹی جاپان سلاہکار قومی سلامتی ناصرخان جنجوعہ ئِ شیلڈ پیش کرے۔ سلاہکار قومی سلامتی ناصرخان جنجوعہ فوجی اسکول آف آرمڈ فورس جاپان نا دورہ ئِ کرے و کمانڈنٹ ، فیکلٹی تون اوڑدہی کرے و تربیت تروک آ عملہ تون میٹنگ کرے۔ اسکول آف آرمڈ فورس آتا کمانڈنٹ لیفٹیننٹ جنرل (ر) ناصرخان جنجوعہ ئِ اسکول نا دورہ غاشیلڈ پیش کرے۔
