جمہوری ئُُ محکم پاکستانئِ ھاتر ئَ یکجا کار کنگ بیت حکومت میڈیا ئِ آزاتی ئِ سرا یقین داریت بلے ذمہ وارانہ صحافت وھدے ئِ ضلورت انت
کراچی۔ 2دسمبر ( اے پی پی) وزیر مملکت برائے اطلاعات ئُُ نشریات مریم اورنگزیب ئَ گشتگ انت کہ جمہوری ئُُ محکم پاکستانئِ ھاتر ئَ یکجا کار کنگ بیت حکومت میڈیا ئِ آزاتی ئِ سرا یقین داریت بلے ذمہ وارانہ صحافت وھدے ئِ ھاسیں ضلورت انت، صحافی آنی سیکورٹی ئُُ سفیٹی ئِ ھاتر ئَ قانود سازی بندات کرتگ انت ئُُ درستیں اسٹیک ہولڈر آں مشورگ ئَ پد آﺅکیں سال ئِ بندات ئَ بل پارلیمنٹ ئَ پیش بہ کن انت۔ اے ھیال آنی درشانی آئی ئَ جمعہ ئَ کونسل آف پاکستان نیوز پیپرز ایڈیٹرز ( سی پی این ای) ئِ عہدیدار ئُُ باسک آں کونسل ئِ ہیڈ آفس کراچی ئَ گند ئُُ نند ئِ وھد ئَ گپ ئُُ تران کنگ ئَ کرتگ۔ اے موہ ئَ سی پی این ای ئِ صدر سینئر صحافی ضیاءشاہد، سیکرٹری جنرل اعجاز الحق دومی عہدیدار ئُُ باسک ہم ھوار ات انت۔ مریم اورنگزیب ئَ اے موہ ئَ گپ ئُُ تران کنگ ئَ گشتگ کہ ھستیں ھکومت ئَ ملک ئَ نا شرکاری ئُُ کراچی ئَ بد امنی ئِ ھلاسی ئِ ھاتر ئَ آپریشن بندات کرتگ انت آئی ئِ شریں آسر آتکگ انت۔ آئی ئَ گشتگ کہ کراچی ئَ حیدر آباد موٹر وے ئِ جوڑ ئُُ جاڑی کار بندات بوتگ انت چوشکہ حیدر آباد ئَ سکھر ئُُ سکھر ئَ ملتان موٹروے ہم ھستیں وھدے حکومت ئَ سرجم بیت۔ آئی ئَ گشتگ کہ ماں ادارگ آں سوگو جوڑ کنگ لوٹ انت۔ مریم اورنگزیب ئَ گشتگ کہ الیکٹرانک میڈای ئَ ایڈ یٹوریل کمیٹی ئِ فعال بوھگ المی انت۔ آئی ئَ گشتگ کہ مہذب چاگرد اڈ دئیگ ئِ میڈیا ئِ کرد ھاست انت۔ آئی ئَ گشتگ کہ درستیں ملک ئَ پریس کلب آں محکم کنگ ہم حکومت ئِ ترجیح آں ھوار انت ئُُ زالبول صحافی آنی ھاتر ئَ ہم بازیں منصوبہ پکر بوھگ ئَ انت۔ آئی ئَ گشتگ کہ صحافی آنی ادارہ جاتی ئُُ پیشہ وارانہ ھیل کاری ئِ سرا دیان دئیگ ئَ انت۔ سی پی این ای باسک آں وزیر مملکت ئِ میڈیا ئِ ھوالہ ئَ ترجیح آں سہڑائینتگ۔ آئی ئِ سرا وزیر مملکت ئَ گشتگ کہ آزادی صحافیئُُ صحافی ئَ ھستیں مسئلہ آنی ھوالہ ئَ شریں تجویز ئِ خیر مقدم کنگ بیت ئُُ آھانی پالیسی ئِ اڈ دئیگ ئَ پکر کنگ بیت۔
